1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

اذلان شاہ ہاکی ٹورنامنٹ کے لئے پاکستانی کھلاڑیوں کا اعلان

اٹھارہویں اذلان شاہ ہاکی کپ ٹورنامنٹ کے لئے اٹھارہ رکنی پاکستانی اسکواڈ کا اعلان کر دیا گیا ہے۔ یہ اعلان پاکستانی ہاکی سلیکشن کمیٹی کے چیئرمین حسن سردار نے لاہور میں ایک پریس کانفرنس کے دوران کیا۔

default

پاکستانی ٹیم کے کپتان ذیشان اشرف

حسن سردار نے بتایا کہ کمیٹی نے ایک روزہ ٹرائلز کے بعد ٹیم کا انتخاب مشاورت سے کیا ہے۔ اسکواڈ میں کپتان ذیشان اشرف، نائب کپتان ایم عمران، احسان اللہ، ذیشان علی، سبطین رضا، رانا آصف، فرید احمد، محمد ثقلین، سجاد انور، دلاور بھٹی، وقاص شریف، شکیل عباسی، شبیر خان، عباس حیدر، طارق عزیز، شفقت رسول اور اختر علی شامل ہیں۔

Pakistan Feldhockey Zeeshan Ashraf

پاکستان کا قومی کھیل کئی برسوں سے روبہ زوال ہے



چیف سلیکٹر حسن سردار کا کہنا تھا کہ ٹیم جونئیر اور سینئر کھلاڑیوں پر مشتمل ہے۔ انہوں نے دعویٰ کیا منتخب ٹیم ایونٹ میں بہتر کارکردگی کا مظاہرہ کرکے اچھے نتائج دے گی۔ انہوں نے کہا کہ ٹیم میں ایک گول کیپر رکھنے کا مقصد اسے پورا موقع فراہم کرنا ہے۔

پاکستان ہاکی فیڈریشن کے سیکریٹری آصف باجوہ نے امید ظاہر کی ہے کہ ٹیم ایونٹ میں کامیابی حاصل کرے گی۔ ان کا کہنا تھا کہ گول کیپنگ کے ٹیلنٹ کو سامنے لانے کے لئے جلد کیمپ لگایا جائے گا کیونکہ پاکستان کے پاس اچھے گول کیپروں کی کمی ہے۔