1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

آمریت کی روح نہیں گئی صرف ایک شخص گیا ہے: کشور ناہید

کشور ناہید نےکہا ہے کہ پاکستان کی رگوں میں آمریت اس طرح رچ بس چکی ہے کہ نہ تو اس سے فوج مبرا ہے اور نہ ہی ہمارے سیاستدان ماورا۔ انہوں نے کہا کہ اب وقت ہے کہ سیاسی اتحاد برقرار رہے ورنہ حالات مزید بگڑ سکتے ہیں۔

default

ڈویچے ویلے سے خصوصی گفتگو میں ممتاز سماجی کارکن کشور ناہید نے اس بات پر زور دیا کہ سیاستدانوں کے امتحان کا وقت آ گیا ہے۔ انہوں نے کہا کہ اس وقت سیاستدانوں کو اپنی اعتمادیت اور بھروسہ داری کو دوبارہ قائم کرنا ہوگا اور پھر ملک ترقی کی راہوں پر استوار ہو سکے گا۔

انہوں نے کہا کہ اگر پرویز مشرف کا مواخذہ ہوتا تو ایسی بہت سی باتیں سامنے آتیں جو امریکہ کے مفاد میں نہ تھیں اور امریکہ کی کوشش تھی کہ یہ مواخذہ نہ ہو۔ اس لئے امریکی حکام کی فرمائش پر پرویز مشرف نے اپنے عہدے کو خیر باد کہا۔

تاہم انہوں نے کہا کہ سابق صدر پرویز مشرف کا مواخذہ ہونا چاہئے تاکہ پاکستان کی تاریخ میں ایک روایت کا اضافہ ہو اور لوگ آئندہ اس طرح کی غیر آئینی اور غیر قانونی حرکات سے بعض آئیں ورنہ مستقبل میں بھی اس طرح محفوظ راستہ دے کر ذمہ دار لوگوں کو چھوڑ دیا جائے گا اور اس طرح بہت سے لوگوں کو تقویت ملے گی کہ وہ بھی یوں کریں۔