1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

آفریدی پاکستان کو جتاسکتا ہے، مشاق محمد

سابق مایہ ناز پاکستانی ٹیسٹ کرکٹر مشاق محمد کو یقین ہے کہ شاہد آفریدی ہی بطور قائد پاکستان کے ٹوئنٹی ٹوئنٹی ورلڈ چیمپئن ہونے کے اعزاز کا دفاع کرسکتے ہیں۔

default

برطانیہ کے لارڈز اسٹیڈیم میں صحافیوں سے بات چیت میں مشتاق محمد کا کہنا تھا کہ آفریدی نے اس فارمیٹ کی عالمی چیمپین شپ جتائی تھی اور وہ اس طرز کے کھیل کے بہترین کھلاڑی ہیں۔ شاہد آفریدی کو موجودہ دور میں سرفہرست آل راونڈرز میں گنا جاتا ہے تاہم انہیں بال ٹیمپرنگ کے تنازعے کے بعد جرمانے کا سامنا ہے۔ شاہد آفریدی پر تیس لاکھ روپے جرمانہ عائد کیا گیا ہے۔

آفریدی اس فیصلے کے خلاف اپیل دائر کرچکے ہیں۔ آفریدی نے مؤقف اختیار کیا ہے کہ وہ چونکہ پہلے ہی اس پاداش میں دو مقابلوں کی پابندی بھگت چکے ہیں لہذا انہیں مزید سزا نہ دی جائے۔ یونس خان نے بھی پابندی کے خلاف اپیل دائر کی ہے۔

BdT Pakistan Cricket Younis Khan

یونس خان نے بھی پابندی کے خلاف اپیل دائر کردی ہے

پاکستان کرکٹ بورڈ نے شاہد آفریدی کو رواں ماہ ویسٹ انڈیز میں ہونے والے ٹوئنٹی ٹوئنٹی ورلڈ کپ کے لئے کپتان نامزد کیا ہے۔ پاکستان ان عالمی مقابلوں میں سابق قائدین یونس خان اور محمد یوسف کی عدم موجودگی میں شریک ہو رہا ہے، جن پر شعیب ملک اور رانا نوید سمیت کرکٹ بورڈ نے پابندی عائد کردی ہے۔ واضح رہے کہ یونس خان اور شاہد آفریدی سے قبل کامران اکمل، عمراکمل اور رانا نوید الحسن بھی جرمانوں اور پابندی کے فیصلے کے خلاف اپیل دائر کرچکے ہیں۔

مشتاق کے بقول پاکستان بہت سے اہم کھلاڑیوں سے محروم ہوچکا ہے تاہم امید ہے کہ پاکستانی دستہ ویسٹ انڈیز میں اس مشکل صورتحال سے سرخرو ہوکر نکلے گا۔ مشتاق محمد لارڈز میں رواں سال جولائی میں پاکستان اور آسٹریلیا کے مابین سیریز کی اشتراکی مہم کا افتتاح کرنے آئے ہیں۔ لارڈز اسٹیڈیم کے مالک اور کرکٹ کی بانی انتظامی تنظیم Marylebone Cricket Club دونوں ملکوں کے مابین اپنے یہاں ٹیسٹ اور ٹوئنٹی ٹوئنٹی مقابلوں کا سلسلہ منعقد کر رہی ہے۔

رپورٹ : شادی خان سیف

ادارت : عاطف توقیر

DW.COM