1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

آسٹریلین گراں پری: انتیس سالہ جینسن بٹن کی فتح

برطانوی ڈرائور جینسن بٹن نے اتوار کے روز بران جی پی کے لیے کھیلتے ہوئے آسٹریلین گراں پری جیت لیا ہے۔

default

برطانوی ڈرائور جینسن بٹن فتح کا جشن مناتے ہوئے

انتیس برس کے جینسن بٹن نے فورمولا ون ریس میں یہ کامیابی اٹھاون لیپس میں لگاتار برتری کے بعد حاصل کی۔ بٹن، جو ایک وقت اپنے حریفوں پر چونتیس سیکنڈز کی برتری حاصل کیے ہوئے تھے، اس وقت خاصی مشکل میں نظر آئے جب اپنی ہی بران جی پی ٹیم کے ڈرائور روبنز باریکیلو پر ان کو محض اعشاریہ آٹھ صفر سات کی ثبقت حاصل تھی۔ تاہم بٹن نے سیزن کے اس پہلے اہم مقابلے میں کامیابی حاصل کرکے سب کو دنگ کردیا۔

Formel 1 Australien Melbourne 2009

ملبورن میں ہونے والی فورمولا ون ریس کا ایک منظر


ایسا پہلی مرتبہ ہوا ہے کہ کسی نئی ٹیم نے اپنے پہلے ہی میچ میں گراں پری میں فتح حاصل کی ہو۔ انیس سو ستتر میں ارجنٹینا میں ہونے والی ریس میں جوڈی شیکٹیر نے وولف کے لیے اسی نوعیت کی کامیابی حاصل کی تھی۔

Sebastian Vettel Formel 1 in Melbourne Australien

جرمنی کے ڈرائور سیباسٹیئن ویٹیل

یہ بران جی پی کے لیے ایک شاندار کامیابی ہے جو محض چھ مارچ کو اس وقت وجود میں آئی جب ہونڈا کی مینیجمنٹ نے بائکاٹ کردیا تھا۔ ہونڈا عالمی مالیاتی بحران کی وجہ سے پچھلے برس کی فورمولا ون ریس سے دست بردار ہوگئی تھی۔

اگلے ہفتے اس سیزن کی دوسری ریس ملیشیاء میں ہوگی۔