1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

آسٹریلیا کے خلاف 20 ٹوئنٹی میں پاکستان کی جیت

پاکستان اور آسٹریلیا کی قومی کرکٹ ٹیموں کے مابین دبئی میں کھیلے جانے والے واحد 20 ٹوئنٹی کرکٹ میچ میں پاکستان نے سات وکٹوں سے فتح حاصل کر لی ہے۔

default

سلامی بلے باز سلمان بٹ اس میچ میں بھی خاص کاکردگی نہ دکھا سکے

دبئی اسپورٹس سٹی اسٹیڈیم میں کھیلے جانے والے اس میچ میں پاکستان نے 108 رنز کا ہدف تین کھلاڑیوں کے نقصان پر سولہ اعشاریہ دو اوروں میں حاصل کر لیا۔ پاکستان کی طرف سے وکٹ کیپر بیٹسمین کامران اکمل نےایک مرتبہ پھرعمدہ اینگز کھیلتے ہوئے 59 بنائےاورناٹ آوٹ رہے۔

پاکستان نے ٹاس جیت کرپہلے فیلڈنگ کرنے کا فیصلہ کیا اور آسٹریلیا کی ٹیم کو 19.5اوروں میں آوٹ کر دیا۔ آسٹریلوی سلامی بلے بازوں نے اچھے کھیل کا مظاہرہ کیا اور پہلی وکٹ کی شراکت میں 42 رنز بنائے۔ واٹسن نے 33 رنز پر عمر گل کا نشانہ بنے جبکہ ہیڈن 24 رنز پر شعیب ملک کے ہاتھوں پویلین واپس لوٹے۔ بعد ازاں مارخوز جیمزنارتھ کےعلاوہ کوئی بھی آسٹریلوی کھلاڑی جم کر نہ کھیل سکا اور تمام ٹیم 108 رنز پر ڈھیر ہو گئی۔ نارتھ نے بیس رنز کی انفرادی اینگز کھیلی۔ انہیں بھی عمر گل نے آوٹ کیا۔

Younis Khan Kapitän der pakistanischen Cricket Nationalmannschaft

پاکستانی کپتان علالت کے باعث اس میچ میں حصہ نہ لے سکے

پاکستان کی طرف سے عمر گل نے چار اوروں میں آٹھ رنز دے کر چار کھلاڑی آوٹ کئےجبکہ شاہد آفریدی نے چاراوروں میں چودہ رنز کے عوض تین وکٹیں حاصل کیں۔ شعیب ملک نے دو اور سعید اجمل نے ایک وکٹ حاصل کی۔

پاکستان نے جب بلے بازی شروع کی تو سلامی بلے باز جلد ہی آوٹ ہو گئے۔ سلمان بٹ نے 16 اوراحمد شہزاد صرف 4 رنز بنا سکے۔ کامران اکمل نمبر تین پر بیٹنگ کرنے آئےاورانہوں نے جارھانہ کھیل کا مظاہرے کرتے ہوئے پاکستان کو فتح دلوائی۔ پاکستان کرکٹ ٹیم کےکپتان یونس خان کی عدم موجودگی میں کپتانی کے فرائض سر انجام دیتے ہوئے، مصباح الحق نے 24 رنز بنائے۔ پاکستان کی طرف سے عمر گل اور شاہد آفریدی کو بہترین کھلاڑیوں کے لئے انعام دیا گیا۔

اس سے قبل پانچ ایک روزہ میچوں کی سیریز میں آسٹریلیا نے پاکستان کو دو کے مقابلے میں تین میچوں سے شکست دی تھی۔