1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

آسٹریلیا میں سگریٹ کے سادہ ڈبے

آسٹریلیا دنیا کا وہ پہلا ملک بننے جارہا ہے، جہاں سگریٹ بنانے والی کمپنیوں کو پابند کیا جائے گا، وہ بلا کسی تشہیر کے سادہ ڈبے میں سگریٹ بیچیں۔

default

آسٹریلیا میں صحت کا محکمہ نئی قانون سازی میں مصروف ہے، جس کے تحت 2012 ء سے سگریٹ سادہ ڈبے میں بیچی جائے گی۔ تاہم اس پر محض برانڈ کا نام اور انتباہی بیان لکھا ہوگا۔ سگریٹ کے ڈبے پر کسی بھی قسم کا لوگو، رنگ یا تصویر نہیں رہے گی۔

سگریٹ بنانے اور بیچنے والی کمپنیاں اس قانون کے خلاف سراپا احتجاج ہیں اور انہوں نے آسٹریلیا کی حکومت کے خلاف عدالت کا دروازہ کھٹکٹھانے کا عندیہ دیا ہے۔ امپیریل ٹوبیکو آسٹریلیا کی ترجمان کیتھی کیوگ کے بقول: ’’ اس سے صارفین علیحٰدہ علیحٰدہ برانڈ میں فرق نہیں کرپائیں گے جو ہمارے کاروبار کا اصل اثاثہ ہے‘‘۔

BdT Spanien Schluß mit Rauchen

آسٹریلیا میں سگریٹ نوشی کی شرح نہایت کم ہے

وزیر صحت نکولا روکسون کا کہنا ہے کہ سگریٹ کی صنعت کو یہ فیصلہ پسند نہیں تو حکومت ہرگز اس سے دست بردار نہیں ہوگی بلکہ حکومت ہر قسم کی قانونی چارہ جوئی کے لئے تیار ہے۔

آسٹریلیا میں انسداد تمباکو نوشی کا پہلا قانون 1983ء میں منظور کیا گیا تھا۔ وہاں سگریٹ نوشی کا تناسب انتہائی کم ہے اور مجموعی آبادی کا محض سولہ فیصد اس لت میں مبتلا ہے۔ تمباکو نوشی سے متعلق ہرقسم کی تشہیر پر پابندی ہے۔ آسٹریلوی وزیر اعظم کیون رڈ کے بقول : ''سگریٹ نوشی بالکل بھی cool نہیں، اس سے ہلاکت واقع ہوتی ہے، ہمیں پتا ہے کہ تمباکو کی صنعت والوں کو یہ فیصلہ پسند نہیں آئے گا مگر ہم جانتے ہیں، یہ عوامی مفاد میں بہتر ہے لہٰذا ہم یہ کرکے رہیں گے‘‘۔

رپورٹ: شادی خان سیف

ادارت: ندیم گِل

DW.COM