1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

آسٹریلیا میں بھارتی طالب علموں پر حملہ، امتیابھ بچن کا احتجاج

بھارتی فلم دنیا کے سپر سٹار امیتابھ بچن نے آسٹریلیا میں بھارتی طالب علموں پر ہونے والے حملوں کے بعد دھمکی دی ہے کہ وہ آسٹریلیا کی ایک یونیورسٹی کی طرف سے دی جانے والی اعزازی ڈگری ٹھکرا سکتے ہیں۔

default

امیتابھ بچن نے ایک عرصے تک بھارتی فلمی دنیا پر راج کیا

امیتابھ بچن نے اپنے بلاگ پر شائع کیا ہے کہ اُن کا ضمیر ملامت کر رہا ہے کہ وہ کسی ایک ایسے ملک سے کوئی اعزاز حاصل کریں جو اُن کے ہم وطنوں کے ساتھ ایسا سلوک کر رہا ہے۔

کئی سالوں تک بالی وڈ کی دنیا پر راج کرنے والے امیتابھ نے کہا کہ یہ فیصلہ وہ اپنے مداحوں پر چھوڑتے ہیں کہ آیا انہیں یہ اعزاز حاصل کرنا چاہئے یا نہیں۔ بچن نے اپنے بلاگ میں ایک سوال کی صورت میں اس بارے میں عوامی رائے طلب کی ہے۔

بریسبین کی کیوننیئز لینڈ یونیورسٹی برائے ٹیکنالوجی نے، امیتابھ کو فلمی دنیا میں اُن کی خدمات کے بدلے میں یہ ڈگری دینے کا اعلان کیا تھا اور چھیاسٹھ سالہ بچن نے اِس اعزاز کو قبول کیا تھا۔ جولائی کے ماہ میں امیتابھ بچن کو یہ ڈگری دی جائے گی۔ تاہم اب امیتابھ بچن نے یہ فیصلہ اپنے مداحوں پر چھوڑ دیا ہے۔