1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

آسٹریلیا میں امیگریشن قوانین میں سختی

آسٹریلیا کے وزیر برائے امیگریشن کرس ایوانز نے اعلیٰ ہنرمند افراد کے حوالے سے نئی پالیسی کا اعلان کیا ہے۔ اس پالیسی کے مطابق اب کم طلب کے حامل ہنر مند افراد کے لئے نقل مکانی کر کے آسٹریلیا میں آباد ہونا آسان نہیں ہوگا۔

default

پیر کے روز اپنے ایک بیان میں کرس ایوانز نے اس نئے ٹرینڈ پر تنقید کی، جس کے ذریعے بڑی تعداد میں ہیرڈریسرز ہنرمند افراد کے طور پر آسٹریلیا آ رہے ہیں۔ ایوانز نے 106 شعبوں سے وابستہ ہنرمند افراد کی فہرست پر تنقید کرتے ہوئے کہا کہ اس فہرست پر ازسرنو غور کرنے کی ضرورت ہے۔ ان کے اس بیان کا کان کنی کی شعبے نے خیر مقدم کیا ہے۔

آسٹریلیا میں گزشتہ کچھ عرصے میں چین کے ساتھ کوئلے کی فروخت کے حوالے سے کئے گئے بڑے معاہدوں کے باعث کان کنی کا شعبہ طلب کے اہداف پورے کرنے کے حوالے سے دباؤ کا شکار ہے۔ ابھی چند روز قبل ایک آسٹریلوی کمپنی نے چین کے لئے اگلے 20 برسوں تک 30 ملین ٹن سالانہ کے لحاظ سے کوئلے کی برآمد کے معاہدے پر دستخط کئے ہیں۔ اس کے علاوہ خام مال کی برآمدات کے لحاظ سے بھی کان کنی کے شعبے کے لئے بڑی تعداد میں اعلیٰ ہنر مند افراد کی ضرورت ہے۔

Deutschland Arbeit Mindestlohn Frisör

ہزاروں طلبہ آسٹریلوی شہریت کے حصول کے لئے بال کاٹنے کی تربیت حاصل کرتے ہیں

ایوانز نے ایک آسٹریلوی ریڈیو سے بات چیت میں کہا کہ آسٹریلوی جامعات میں ہزاروں طلبہ ایسے ہیں، جو بال کاٹنے کی تعلیم صرف اس لئے حاصل کر رہے ہیں کیونکہ ہنر مند افراد کی فہرست میں اسے اہم جگہ دی گئی ہے، اسے اہم ہنر سمجھا گیا ہے اور اس طرح ان طلبہ کو بآسانی آسٹریلیا کی شہریت مل سکتی ہے۔ ’’ہمیں اس بات کو یقینی بنانا ہے کہ ہمیں واقعی اعلیٰ ہنر مند افراد مل رہے ہیں۔‘‘

انہوں نے کہ کہا کہ ’’اعلیٰ مطلوبہ ہنر‘‘ کی نئی فہرست میں صحت کے شعبے بشمول ڈاکٹروں کی حوصلہ افزائی کی جائے گی اور اس کے ساتھ ساتھ کان کنی کے شعبے کو بھی درکار ہنر کی فہرست میں اہم جگہ دی جائے گی۔

آسٹریلین مائننگ اینڈ مٹیریل ایسوسی ایشن کے چیف ایگزیکٹیو سٹیو نوٹ نے ایک آسٹریلوی ریڈیو سے بات کرتے ہوئے اس حکومتی فیصلہ کی تعریف کی:’’ہمیں نئی ملازمتوں کے لئے لوگ چاہئیں تاکہ بہت سے نئے منصوبے کے اہداف کی تکمیل ہو پائے۔ ان ملازمتوں اور افرادی قوت کی طلب میں نئے منصوبے کے آغاز پر اور بھی اضافہ ہوگا۔‘‘

نوٹ نے کہا کہ آسٹریلیا کے شمال مغربی علاقوں میں ایسے افراد کی بہت زیادہ ضرورت ہے اور وہاں باہنر افراد کے لئے بڑے پیمانے پر مواقع موجود ہیں۔

رپورٹ : عاطف توقیر

ادارت : امجد علی