1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

آئی پی ایل جنوبی افریقہ منتقل

انڈین پرئمیر لیگ کے چئیر مین للت مودی نے کہا ہے کہ آئی پی ایل کا دوسرا سیزن جنوبی افریقہ میں منعقد کیا جائے گا۔ بھارت میں عام انتخابات کے دوران سیکورٹی خدشات کے وجہ سے اس ٹورنامنٹ کو بھارت سے باہر منتقل کیا گیا ہے۔

default

جنوبی افریقہ میں ایک پریس کانفرس کے دوران مہنگی ترین کرکٹ یعنی انڈین پریمئر لیگ IPL کے چئیر مین نے کہا ہے کہ اب یہ ٹورنامنٹ جنوبی افریقہ میں منعقد کیا جائے گا۔ اس اعلان سے قبل اس ٹورنامنٹ کے انعقاد کے لئے انگلینڈ اور ویلز کو فیورٹ قرار دیا جا رہاتھا۔

اس ٹورنامنٹ کا جنوبی افریقہ میں انعقاد کی ایک بڑی وجہ یہ بھی بتائی جا رہی ہے کہ جنوبی افریقی حکومت نے IPL منتظمین کو یقین دہانی کروائی ہے کہ اس ٹورنامنٹ کے دوران ایک ہزار سے زائد غیر ملکی شائقین کو فوری طور پر ویزے مہیا کیےجائیں گے اور اس ٹورنامنٹ کو وی آئی پی ٹریٹمنٹ دیا جائے گا۔

Lalit Modi Vorsitzender der IPL Cricket Indien

آئی پی ایل کے چیئرمین للت مودی

اٹھارہ اپریل سے شروع ہونے والے اس ٹورنامنٹ کو چھ ہفتوں سے کم کر کے پانچ ہفتوں کے دوران منعقد کرانے پر غور کیا جا رہا ہے۔ اس ٹورنامنٹ کے نشریاتی حقوق جنوبی افریقہ کے نشریاتی ادارے سپر سپورٹس کو دئے گئے ہیں جو تمام میچوں کو براہ راست نشر کرے گا۔

اس ٹورنامنٹ کے انعقادکے لئے انگلینڈ اور ویلز کرکٹ بورڈ کے عہدیداران سے ملاقات سے قبل ہی للت مودی نے جنوبی افریقہ کو اس ٹوئنٹی ٹوئنٹی ٹورنامنٹ کے لئے منتخب کر لیا۔ آئی پی ایل کے چئیر مین للت مودی اور کرکٹ جنوبی افریقہ CSA کے چیف ایگزیکٹیو Gerald Majola نے ایک مشترکہ پریس کانفرنس میں کہا کہ یہ ٹورنامنٹ اٹھارہ اپریل سے شروع ہو گا اور متوقع طور پر چھ مخلتف مقامات پر میچ کھیلے جائیں گے۔

Die indischen Schauspieler Shah Rukh Khan und Preity Zinta

آئی پی ایل میں بھارتی فلمی ستارے بھی سرمایہ کار ہیں

للت مودی نے کہا کہ اس ٹورنامنٹ کو بھارت سے باہر منتقل کرنے کا فیصلہ بہت ہی مشکل تھا لیکن اب جنوبی افریقہ میں اس ٹورنا منٹ کے انعقاد سے اس ٹورنامنٹ کے کامیابی کے امکانات مزید روشن ہو گئے ہیں۔ انہوں نے مختصر نوٹس پر اپنے یہاں اس ٹورنامنٹ کے انعقاد کے لئے جنوبی افریقہ کرکٹ بورڈ کا خصوصی شکریہ ادا کیا۔ للت مودی نے کہا کہ جنوبی افریقہ میں ٹوئنٹی ٹوئنٹی کرکٹ کے لئے جوش اورمحبت پائی جاتی ہے اور جنوبی افریقہ نے پہلے ٹوئنٹی ٹوئنٹی عالمی کرکٹ کپ کا کامیاب انعقاد بھی کیا۔ للت مودی نے مزید کہا کہ یہ دونوں باتیں ہی جنوبی افریقہ میں آئی پی ایل منعقد کروانے کے لئے تقویت کا باعث ہیں۔

Gerald Majola نے آئی اپی ایل کے کامیاب انعقاد کی یقین دہانی کرواتے ہوئے کہا کہ اس ٹورنامنٹ کو کامیاب بنانے کے لئے CSA اور جنوبی افریقہ کی عوام بھرپور ساتھ دے گی۔ انہوں نے کہا کہ اس ٹورنامنٹ کے جنوبی افریقہ میں منعقد ہونے سے بھارتی کرکٹ بورڈ سے روابط مضبوط ہوں گے اور دونوں ممالک کے عوام بھی ایک دوسرے کو قریب آسکیں گے۔ Majola نے مزید کہا کہ اس ٹورنامنٹ کو یادگار بنانے کے لئےCSA اپنی بھرپور صلاحتیوں کو بروئے کار لائے گی۔