1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

آئرلینڈ کی بڑی جماعتیں اتحادی حکومت کی تشکیل پر متفق

آئرلینڈ کی دو بڑی پارلیمانی جماعتیں نئی اتحادی حکومت کی تشکیل پر تیار ہو گئی ہیں۔ ان جماعتوں کے درمیان پیر سے مذاکرات جاری تھے اور یہ پیش رفت اتوار کو سامنے آئی ہے۔

default

فائن گیل پارٹی کے رہنما اینڈا کینی

آئرلینڈ کے آئندہ وزیراعظم اینڈا کینی نے صحافیوں سے گفتگو میں کہا، ’مجھے آپ کو یہ بتاتے ہوئے بہت خوشی ہو رہی ہے کہ ہم معاہدے پر متفق ہو گئے ہیں، جس کی تفصیلات طے کی جا رہی ہیں۔‘

اینڈا کینی اور لیبر پارٹی کے رہنما ایمون گلمور، دونوں کا ہی یہ کہنا ہے کہ حکومتی پروگرام اتوار کو بعدازاں شائع کیا جائے گا، جس کے بعد معاہدے کی تفصیلات جاری کی جائیں گی۔

گلمور نے کہا کہ وہ حکومتی ڈھانچے پر خوش ہیں تاہم انہوں نے یہ بتانے سے احتراز کیا کہ کابینہ میں ان کی پارٹی کو کتنی نشستیں ملیں گی۔

فائن گیل اور لیبر پارٹی کے درمیان مذاکرات کا موضوع بجٹ خسارہ اور حکومتی اخراجات میں کمی کرنا رہا ہے۔ آئرلینڈ میں ابھی گزشتہ ہفتے ہی انتخابات ہوئے ہیں، جن میں فائن گیل پارٹی فاتح رہی ہے جبکہ ان انتخابات میں فیانا فیل پارٹی کی شکست کی وجہ ملک کو درپیش اقتصادی بحران کے حل میں اس کی کمزوریوں کو قرار دیا جاتا ہے۔

فائن گیل کو ان انتخابات میں پارلیمنٹ میں 76 نشستیں حاصل ہوئی ہیں، جو حکومت بنانے کے لیے کافی نہیں جبکہ لیبر پارٹی کو سینتیس نشستیں حاصل ہیں۔

فائن گیل اور لیبر پارٹی کے درمیان اس اتفاق رائے کے نتیجے میں آئرلینڈ کی حکومت کو آئی ایم ایف اور یورپی یونین کی جانب سے ملنے والے پچاسی ارب یورو کے امدادی پیکیج کی شرائط آسان کروانے میں مدد ملے گی۔

Irland Labour Eamon Gilmore

لیبر لیڈر ایمون گلمور

لیبر پارٹی کو اتحادی حکومت کی تشکیل کے منصوبے کے لیے اپنے ارکان پارلیمنٹ اور جماعت کے ممبران سے منظوری لینا ہو گی جبکہ فائن گیل کی پارلیمانی پارٹی اس معاہدے کو منظور کرے گی۔

انتخابی مہم کے دوران دونوں پارٹیوں کی جانب سے ووٹروں کے سامنے پیش کیے گئے نظریات ایک دوسرے سے مختلف تھے۔ ان نظریات میں سرکاری محکموں میں اخراجات کی کٹوتی، ٹیکسوں اور بجٹ خسارے کے معاملات شامل تھے۔

رپورٹ: ندیم گِل/ خبررساں ادارے

ادارت: عاطف توقیر

DW.COM

ویب لنکس