یورو دو ہزار آ ٹھ اور جرمن ٹیم کا پہلا میچ
7 جون 2008جرمنی فٹ بال ٹیم یورپی چیمپئن شپ کے دوران اپنا پہلا میچ پولینڈ کی ٹیم کے خلاف اتوار کو کھیل رہی ہے۔
دلچسپ امر یہ ہے کہ جرمن ٹیم میں شامل فارورڈ کھلاڑیوں Lukas Podolsk اور Miroslav Klose کے علاوہ ونگر Piotr Trochowski کا وطن ِ پیدائش پولینڈ ہے۔اِن سمیت نائب کوچ Hansi Flick نے بتایا ہے کہ اُنہوں نے اپنی ٹیم کو پولینڈ کھلاڑیوں کے ناموں کا درست تلفظ کی بھی پریکٹس کروائی ہے تا کہ دورانِ میچ اُن کو معلُوم ہو سکے کہ پولینڈ کا کھلاڑی کس کو پاس دینے یا کس جانب گیند پھیکنے کا ارادہ رکھتا ہے۔
جرمن ٹیم گروپ بی میں ہے اور اُس کا پہلا میچ آسٹریا کے شہر Klagenfurt میں کھیلا جائے گا۔ جرمن ٹیم نے آخری بار سن اُنیس سو چھیانوے میں یہ چیمپئن شپ جیتی تھی۔ موجودہ جرمن فٹ بال ٹیم خاصی متوازن تصور کی جا رہی ہے۔ فٹ بال کی عالمی چیمپئن شپ کے بعد یورو چیمپئن شپ یورپ میں بہت بڑا ٹورنامنٹ تصور کیا جاتا ہے۔