پیر 11 ستمبر کو جرمن شہرMönchengladbach میں جاری عالمی ہاکی کپ کے ایک میچ میں جنوبی کوریا نے بھارت کو ایک کے مقابلے میں دو گول سے ہرا دیا۔ اِس طرح گروپ بی میں جنوبی کوریا ایک بار پھر پوائنٹس کے اعتبار سے سرِ فہرست آ گیا ہے۔ گروپ اے میں بدستور اسپین سرِ فہرست ہے، جس نے آج نیوزی لینڈ کو ایک کے مقابلے میں تین گول سے ہرا دیا۔
https://p.dw.com/p/DYNf
بھارتی کھلاڑی شویندر سنگھ جنوبی کوریا کے خلاف بھارت کی طرف سے واحد گول کرنے پر خوشی کا اظہار کرتے ہوئےتصویر: picture-alliance/ dpa
اشتہار
آج ہی پاکستان اور ارجنٹائن کے درمیان میچ کھیلا گیا، جس میں پہلے ہاف کے اختتام تک مقابلہ برابر رہا لیکن دوسرے ہاف کے شروع ہوتے ہی ارجنٹائن نے ایک گول کی برتری حاصل کر لی، جو اُسے آخر تک حاصل رہی اور یوں ارجنٹائن یہ میچ صفر کے مقابلے میں ایک گول سے جیت گیا۔
