’گیمز کوم‘: کمپیوٹر گیمز کا سب سے بڑا عالمی میلہ
جرمن شہر کولون میں کمپیوٹر کھیلوں کا دنیا کا سب سے بڑا میلہ ’ گیمز کوم‘ شروع ہو چکا ہے۔ نو اگست تک جاری رہنے والے اس میلے میں سونی اور مائیکرو سافٹ کے بڑے بڑے ’گیمز کونزولس‘ کو نمایاں اہمیت حاصل ہے۔
ایکس باکس اور پلے اسٹیشن
گیمز کوم میں شائقین اُن بہت سے کمپیوٹر گیمز سے محظوظ ہو سکتے ہیں، جو اگلے مہینوں کے دوران مارکیٹ میں دستیاب ہوں گے۔ اس مرتبہ بھی بڑے کونزولس والے کھیلوں کی مانگ زیادہ دکھائی دے رہی ہے۔ ان میں مائیکروسافٹ کا ’ایکس بوکس‘ اور سونی کا ’پلے اسٹیشن‘ سرفہرست ہیں۔
دنیا بھر کی نمائندگی
کولون کی میلے میں 45 ممالک سے تعلق رکھنے والے آٹھ سو سے زائد نمائش کنندگان موجود ہیں۔ اس نمائش گاہ میں ایک لاکھ نوّے ہزار مربع میٹر پر ہر جانب ڈیجیٹل کھیل ہی دکھائی دے رہے ہیں۔
پیچیدہ کھیل
ماہرین کے مطابق کمپیوٹر گمیز کی مارکیٹ وقت کے ساتھ ساتھ وسیع ہوتی جا رہی ہے اور ساتھ ہی ان کھیلوں میں پیچیدگی بھی بڑھ رہی ہے۔ ماضی کے بہت سے کھیلوں کو جدید بنا کر ایک مرتبہ پھر متعارف کرایا گیا ہے۔
سونی کا منفرد منصوبہ
کولون کے اس میلے میں سونی نے اپنے تھری ڈی پروجیکٹ ’ Morpheus ‘ کو ایک نئے انداز کے ساتھ متعارف کرایا ہے۔ سونی کے بقول ان کھیلوں کو بہت سوچ و بچار کے بعد تیار کیا گیا ہے۔ اسے کھیلنے والا ایک نئی دنیا میں پہنچ جاتا ہے۔ ان کھیلوں میں جہاں تفریح ختم ہوتی ہے، وہاں سے اسٹریس شروع ہو جاتی ہے۔
ایرانی گیم ساز ادارہ
اس سال ایران کی نمائندگی کے لیے’ایران گیم ڈیویلپمنٹ انسٹیٹیوٹ‘ اس میلے میں موجود ہے۔ ایران کے ’Hate the Sin Love the Sinner‘ نامی کھیل کو 2013ء میں گیمز کنیکشن ایشیا نامی میلے اور تہران گیمز فیسٹیول میں بہترین ڈیزائن کا ایوراڈ دیا جا چکا ہے۔
اسمارٹ فون اور گیمز
ماہرین کے مطابق اسمارٹ فونز نے گیمز کی دنیا کو بھی بدل کر رکھ دیا ہے۔ اب آپ کو ہر جگہ لوگ موبائل فونز پر گیمز کھیلتے نظر آتے ہیں۔ بچے، نوجوان حتیٰ کہ بالغ افراد بھی فارغ وقت میں اسمارٹ فونز پر گیمز کھیلنا پسند کرتے ہیں۔
لاکھوں شائقین
گیمز کوم کی انتظامیہ کو امید ہے کہ اتوار نو اگست تک جاری رہنے والے اس میلے کو دیکھنے کے لیے تقریباً چار لاکھ سے زائد افراد کولون کو رخ کریں گے۔ پچھلے برس تقریباً ساڑھے تین لاکھ شائقین اس میلے کو دیکھنے آئے تھے۔
ونڈوز دس
مائیکرو سافٹ کا ایکس باکس ونڈوز 10 سافٹ ویئر سے آراستہ ہے اور یہ نومبر سے دستیاب ہو گا۔ مستقبل میں ونڈوز 10 والے تمام ایکس باکس انٹرنیٹ پر لائیو اسٹریمنگ کے ذریعے ایک دوسرے سے منسلک کیے جا سکیں گے۔