گولڈن گلوب ایوارڈ

گزشتہ سال ہالی وڈ میں فلمی صنعت کی ہڑتال کی وجہ سے منسوخ کر دئے جانے والے گولڈن گلوب ایوارڈ کی رنگا رنگ تقریب ایک سال کےوقفے کے بعد گیارہ جنوری سن دو ہزار نو اتوار کے دن Beverly Hilton میں منعقد کی جارہی ہے۔

گزشتہ سال ان ایوارڈز کا اعلان ایک سادہ سی پریس کانفرنس میں کیا گیا تھا لیکن اس سال ان ایوارڈ کی تقریب بہت ہی شاندار طریقے سے منائی جائے گی جس کی تیاریاں اس وقت عروج پر ہیں۔ اس مرتبہ اس تقریب میں ہالی وڈ کے قریبا پچاس معروف ستارے میزبانی کے فرائض سر انجام دے رہے ہیں۔

اس سال معروف اداکارہ اینجلینا جولی اپنی فلمChangeling اور ان کے پارٹنر مشہور اداکاربریٹ پٹ اپنی فلم The Curious Case of Benjamin Button پر گولڈن گلوب ایوارڈ کے لئے نامزد قرار پائے گئے۔ اسی طرح Titanic فلم کا جوڑا Leonardo DiCaprio اور Kate Winslet اپنی فلم Revolutionary Road کے لئے نامزد کیا گیا جبکہ ٹام کروز اور رابرٹ ڈی نیرو جونئیر فلم Tropic Thunder کے لئے نامزد ہوئے ہیں۔

اسی طرح برطانوی ہدایت کار Danny Boyle کی پیشکش Slumdog Millionaire نامی فلم بھی کافی پسند کی جارہی ہے اور امید ہے کہ یہ فلم بہترین کہانی کا ایوارڈ حاصل کر سکتی ہے۔ یہ فلم ممبئی میں بنائی گئی ہے۔ یہ فلم ایک ایسے نوجوان کی ہے جو کہ ممبئی کی جھوپڑ پٹی میںپلا بڑھا ہے لیکن وہ قسمت کا دھنی ہے اور ’ کون بنے گا کروڑ پتی ‘ ٹی وی شو میں پیسے جبت لیتا ہے۔ اس فلم کا میوزک بھارتی آرٹسٹ اے آر رحمان نے دیا ہے۔ ناقدین کا کہنا ہے کہ مقابلہ Benjamin Button اور Slumdog Millionaire کے درمیان ہے۔

ان انعامات کا انعقاد ہالی وڈ کی Foreign Press Association نامی ایک گروپ کرتا ہے۔