پوتن کے کتے کا کیا نام رکھا جائے؟
19 نومبر 2010
اشتہار
روسی وزیر اعظم پوتن کو یہ ننھا سے کتا ان کے بیلجیئن ہم منصب نے تحفے میں دیا ہے۔ حکومتی ویب سائٹ پر شائع کئے گئے ایک بیان کے مطابق،’ جو کوئی بھی اس کتے کا نام رکھنے کا خواہشمند ہے، وہ اپنی تجاویز ہمیں ای میل کے ذریعے ارسال کر سکتا ہے۔‘
گزشتہ ویک اینڈ کے دوران روسی وزیر اعظم نے اپنے دورہ ء بیلجیئم کے دوران کئی اہم معاہدوں پر دستخط کئے تھے۔ اس دورے کے اختتام پر بیلجیم کے وزیر اعظم Boiko Borisov نے ایک ننھا سا کتا پوتن کو تحفے کے طور پر دیا تھا۔
اٹھاون سالہ پوتن کے پاس پہلے بھی ایک کتا ہے، جس کا نام ’کونی‘ ہے۔ ان کا کہنا ہے کہ ننھا کتا جس کی عمر ابھی صرف تین ماہ ہی ہے، ان کے گیارہ سالہ کونی کے ساتھ خوش رہے گا۔
رپورٹ: عاطف بلوچ
ادارت: شادی خان سیف