پشاور میں نیٹو کے لیے سامان لے جانے والے آٹھ ٹرک تباہ

علی الصبح کی گئی کارروائی میں دیگر ایک درجن ٹرکوں کو شدید نقصان پہنچایا گیا ہے۔ طالبان نے ٹرک ٹرمینل پر چار راکٹ داغے۔ دو ٹرک ڈرائیور کو بھی حملہ آوروں نے گولیاں مار کر زخمی کیا۔ پولیس کے پہنچنے سے قبل حملہ آور طالبان فرار ہو گئے تھے۔ اطلاعات کے مطابق پولیس اور طالبان کے درمیان فائرنگ کا بھی تبادلہ ہوا۔

مقامی پولیس افسر گوہرخان کے مطابق بس ٹرمینل پر ڈرائیوروں نے ٹرکوں کو غیر قانونی طور پر پارک کیا ہوا تھا۔ ان کا کہنا تھا کہ ڈرائوروں کو حکم تھا کہ وہ نیٹو کے لیے امدادی سامان لے جانے والے ٹرکوں کو یہاں پارک نہ کریں کیوں کہ ماضی میں بھی ان کو طالبان عسکریت پسندوں نے نشانہ بنایا ہے۔ گوہر خان کا کہنا تھا کہ ان ڈرائوروں کے خلاف قانونی کارروائی کی جائے گی۔

واضح رہے کہ افغانستان میں تعینات نیٹو افواج کے لیے سامان کا ایک بڑا حصّہ پشاور کے راستے شورش ذدہ خیبر ایجنسی سے ہوتا ہوا افغانستان بزریعہ سڑک جاتا ہے۔ نیٹو پاکستانی حکومت سے اس ترسیل کو بلا رکاوٹ ممکن بنانے کا مطالبہ کرتی رہی ہے۔