پشاور میں ایک اوربم دھماکہ
3 دسمبر 2009اشتہار
مقامی پولیس افسر ہارون بدر کے مطابق اس دھماکے میں ایک پولیس اہلکار زخمی ہوا جسے فوری طور پر قریبی ہسپتال منتقل کر دیا گیا۔ بدر کا کہنا ہے کہ دھماکے کے وقت اس علاقت میں رش بالکل نہیں تھا، اسی لئے کوئی جانی نقصان نہیں ہوا۔
قبائلی علاقے جنوبی وزیرستان میں عسکریت پسندوں کے خلاف فوجی آپریشن کے بعد سے ملک کے کئی علاقے میں دہشت گردانہ کارروائیاں دیکھی گئیں ہیں تاہم ان دہشت گردانہ کارروائیوں کا سب سے زیادہ ہدف پشاور شہر کو بنایا گیا ہے۔ گزشتہ کچھ عرصے میں پشاور میں ہونے والے پے درپے خودکش حملوں اور بم دھماکوں میں اب تک درجنوں افراد ہلاک ہو چکے ہیں۔
رپورٹ : خبررساں ادارے
ادارت : عاطف توقیر