پراڈکٹ ڈیزائن کے شاہکار
یہ خواب جگاتی ہے، خوشی کا احساس دلاتی ہے اور معلومات دیتی ہے۔ کسی بھی چیز کی پیکجنگ سب سے اہم چیز ہے۔ وہ کوک ہو، نیویا یا پھر پیرسِل، بہت سے برانڈز کی کامیابی کی سب سے بڑی وجہ اسے پیش کرنے کا طریقہ اور پیکجنگ ہی ہے۔
کوکا کولا، حریفوں کا مقابلہ برانڈنگ سے
معروف ڈیزائنر ہیڈن سنڈبلوم کا ’سپرائٹ بوائے‘ 1940ء میں کوکا کولا کی جرمنی سمیت عالمی تشہیری مہم میں استعمال کیا گیا۔ ابتدائی طور پر اسے کوکا کولا کی جگہ کوک کے نام کو بطور برانڈ متعارف کرانے کے لیے استعمال کیا گیا۔ اس کا مقصد دیگر کولا بنانے والوں پر سبقت حاصل کرنا تھا۔
رِنگلی، چیونگم کا ہم نام
جب کوئی چیونگم چاہتا ہے تو عام طور پر رنگلی ہی مانگتا ہے۔ یہ امریکی برانڈ طویل عرصے سے گم کا ہم نام ہو گیا ہے۔ رنگلی سپر منِنٹ اور رِنگلی جوسی فروٹ چیونگم کو پہلی بار 1893ء میں پہلی مرتبہ امریکی مارکیٹ میں متعارف کرایا گیا۔ 1950ء کی دہائی میں یہ برانڈ جرمنی پہنچا۔
نیلا نیلا نیلا، یہ نیویا کا ٹِن ہے
جلد کے لیے کریم کے طو پر صارفین کے ذہن میں عام طور پر نیلے رنگ کی ڈبیا میں پیک کریم کا تصور آتا ہے۔ اس کی وجہ یہ ہے کہ 1911ء میں نیویا کریم بننے کے بعد سے کئی نسلیں اسے بطور برانڈ متعارف کرانے اور کامیاب کرانے میں صرف کر چکی ہیں۔
پیرسِل، ایک معروف جرمن برانڈ
یہ دنیا کا پہلا ڈٹرجنٹ پاؤڈر تھا جو کپڑے پر رگڑے بغیر انہیں صاف کرتا ہے۔ اس برانڈ نے لاکھوں خواتین کی زندگی آسان کر دی اور تشہیری حوالے سے بھی ایک نئی تاریخ رقم کی۔ یہ برانڈ ایک سو سال سے زائد پرانا ہو چکا ہے۔
توبلیرونے – چاکلیٹ کا پہاڑ؟
سوئٹزرلینڈ میں اس چاکلیٹ کی فروخت پہلی بار بیرن کی مارکیٹ میں 1908ء میں شروع ہوئی۔ چاکلیٹ کے بہت سے شوقین سمجھتے ہیں کہ اس چاکلیٹ کے کوور پر دکھایا گیا پہاڑ، سوئس آلپس کی چوٹی مَیٹرہورن Matterhorn ہے جبکہ کئی دیگر کا خیال ہے کہ شاید یہ ڈانسرز کے خوبصورت کاسٹیومز سے ترتیب دیا گیا پیرامڈ ہے۔
اسپرین ۔ برانڈ کا جادو
سر درد کی صورت میں دنیا بھر کے اربوں لوگ اسپرین کا ہی نام لیتے ہیں۔ حالانکہ اس گولی میں acetylsalicylic نامی سالٹ موجود ہے۔ اس دوائی کے برانڈ نام کے حوالے سے بائر کمپنی کے حقوق عرصہ ہوا ختم ہو چکے ہیں مگر اسپرین آج بھی اسی طرح فروخت ہو رہی ہے۔
ایپل – برانڈ کی دنیا میں ایک اختراع
ایپل کو دنیا کا سب سے گراں قدر برانڈ مانا جاتا ہے۔ 2006ء سے اب تک اس کی قدر میں 859 فیصد اضافہ ہو چکا ہے۔ آج ایپل کمپنی کی قدر 153.3 بلین ڈالرز تک پہنچ چکی ہے۔ کمپیوٹرز سے لے کر آئی فون تک ایپل ایسی اختراعی مصنوعات کے حوالے سے جانا جاتا ہے جو استعمال میں نہایت آسان ہوتی ہیں۔
میگی – سوئٹزرلینڈ کا ایک اور کلاسک برانڈ
میگی مصالحہ دنیا بھر میں جانا جاتا ہے۔ یہاں تک کہ افریقہ کے بہت دور دراز علاقوں میں بھی آپ کو یہ پیلے لیبل والی براؤن بوتل نظر آئے گی۔ اس کمپنی کی کامیابی کی کہانی 1869ء میں شروع ہوئی۔ اس وقت میگی نیسلے کا حصہ ہے۔