پاکستان کرکٹ بورڈ کا نیا چیئر مین کون؟ ایک نیا مسئلہ
11 ستمبر 2008اشتہار
ڈاکٹر نسیم اشرف کے استعفی کے بعد ایک مرتبہ پھر پاکستان کرکٹ بورڈ پی سی بی کے چیئر مین کی تلاش شروع ہو گئی ہے تاہم اس بار ماہرین کا اصرار ہے کہ نیا چیئر مین کرکٹ سے واقفیت ضرور رکھتا ہو۔ کیونکہ پرویز مشرف نے اپنے دور صدارت میں تینایسے افراد کو اس منصب پر فائز کیا جو کرکٹ سے براہ راست کوئی تعلق نہیں رکھتے تھے۔
مبصرین تنقید کرتے ہیں کہ کرکٹ سے ناواقف بیوروکریٹ افسران انتظامی معاملات میں کرکٹ کی بھلائی کے لئے کوئی خاص کارکردگی دکھانے میں ناکام رہتے ہیں اور اگر واقعتا کرکٹ کی ترقی مقصود ہو تو کسی پرانے ٹیسٹ کرکٹر کو پی سی بی کا چیئر مین بنایا جائے۔