ون ڈے کرکٹ : کینگروز کے ہاتھوں ٹائیگرز کی پٹائی

ڈارون میں کھیلے جانے والے میچ میں بنگلہ دیش نے ٹاس جیت پہلے بیٹنگ کرنے کا فیصلہ کیا ۔

بنگلہ دیش کی اننگز کا آغاز متاثر کن نہیں تھا۔ پہلی وکٹ میچ کی پہلی ہی گیند پراس وقت گر گئی جب تمیم، بریکن کی گیند پر ہسی کو کیچ دے بیٹھے۔ تمیم کے آؤٹ ہونے کے بعد دوسری اور تیسری وکٹ گرنے میں زیادہ دیر نہیں لگی ۔ بنگلہ دیش کی پوری ٹیم 37.1 اوورز میں 117 رنزکے مجموعی اسکور پر پویلین لوٹ چکی تھی۔ بنگلہ دیش کے آٹھ کھلاڑی ڈبل فیگرز میں داخل نہ ہو سکے۔ سب سے کامیاب بلے بازدھمن گھوش رہے جنہوں نے 30 رنز بنائے ۔ آسٹریلوی باؤلرز میں سب سے کامیاب مچل جانسن رہے جنہوں نے بہترین باؤلنگ کا مظاہرہ کرتے ہوئے تین کھلاڑیوں کو پویلین کی راہ دکھائی، اسٹیورٹ کلارک، نوتھن بریکن اورکیمرون وائٹ نے دو دو جبکہ ہوپس نے ایک وکٹ لی۔

آسٹریلیا نےاپنی اننگز کا آغازحسب عادت جارحانہ انداز سے کیا۔ دونوں اوپنرز نے مضبوط بنیاد فراہم کی اورقریب سبھی بنگلہ دیشی باؤلرز کی گیندوں پروکٹ کے چاروں طرف کھل کر شاٹ کھیلے ، مہمان ٹیم کو پہلی کامیابی 73 کے اسکور پر ملی جب واٹسن ایل بی ڈبلیو ہو گئے ۔ آسٹریلیا نےاپناحدف دو وکٹوں کے نقصان پر 23 ویں اووز میں مکمل کر لیااور شان مارش 69 رنز ناٹ آؤٹ کے ساتھ بہترین کھلاڑی رہے۔