میں جانتا تھا کہ میں پر کشش ہوں: ارشد خان

سوشل میڈیا پر تصویر کی اشاعت نے ارشد خان کو جہاں ایک طرف راتوں رات شہرت کے آفاق پر پہنچا دیا وہیں طبقاتی فرق اور پاکستانی معاشرے میں پشتونوں کے مقام پر بحث کا آغاز بھی ہوا۔

ارشد خان نے خبر رساں ادارے ایف پی سے گفتگو کرتے ہوئے کہا،’’ یہ میرے لیے بے پناہ حیرت کا مقام تھا۔ میں جانتا تھا کہ میں پر کشش ہوں لیکن غربت آپ کو کچھ کرنے کے قابل نہیں چھوڑتی۔‘‘

انسٹا گرام پر پوسٹ کی گئی خان کی بے تحاشا مقبولیت حاصل کرنے والی تصویر میں اُس کی نیلگوں سبز آنکھیں کیمرے سے دوستی کرتی نظر آتی ہیں۔

اٹھارہ سالہ ارشد خان کی سوشل میڈیا پر شائع ہونے والی تصویر چودہ اکتوبر سے آج اکیس اکتوبر تک ہزاروں بار شیئر کی جا چکی ہے۔ تاہم سوشل میڈیا پر یہ بحث بھی ہو رہی ہے کہ کیا مالی طور پر کمزور انسان کو ’خوبصورتی کی علامت‘ بنا کر پیش کرنا درست ہے؟