میونخ حملہ، بھیانک خواب بیت گیا مگر خوف کے سائے قائم

میونخ کے ایک شاپنگ مال میں حملہ کرنے والے شخص کی شناخت ایک ایرانی نژاد جرمن کے طور پر کی گئی ہے۔ اس واقعے میں نو افراد ہلاک ہوئے۔ پولیس کے مطابق دوہری شہریت کے حامل اس نوجوان کی لاش بعد میں جائے واقعہ سے ایک کلومیٹر دور ایک مقام پر سے ملی۔ مقامی پولیس کے مطابق فی الحال یہ کہنا قبل از وقت ہو گا کہ آیا اس حملے کے درپردہ ’مسلم شدت پسندی‘ کا عنصر تھا یا نہیں۔