میاں داد، پی سی بی کے ڈائریکٹر جنرل
20 نومبر 2008اشتہار
جاوید میاں داد نے اپنی تقرری کی تصدیق کرتے ہوئے کہا ہے کہ وہ پاکستان میں کرکٹ کے فروغ کے لیے ضروری اقدامات کریں گے اور کوشش کریں گے کہ پاکستان کرکٹ کی دنیا میں اپنا کھویا ہوا وقار دوبارہ حاصل کرسکے۔ جاوید میاں داد نے اس حوالے سے پاکستان کرکٹ بورڈ کے نو منتخب چیئر مین اعجاز بٹ کا شکریہ ادا کیا ہے۔
پاکستان کرکٹ بورڈ کے ڈائریکٹر جنرل کی حیثیت سے جاوید میاں داد اندرونِ ملک اور بیرونِ ملک پاکستانی کرکٹ کی نگرانی کریں گے۔ ایک سو چوبیس ٹیسٹ میچوں میں آٹھ ہزار آٹھ سو بتیس رنز بنانے والے جاوید میاں داد کا شمار کرکٹ کی تاریخ کے اہم ترین بلّے بازوں میں کیا جاتا ہے۔