عراق میں 50 ، افراد ہلاک
1 اگست 2006اشتہار
فوجی ذرائع کے مطابق بغداد کے شمال میں تکریت اور بیجی کے درمیان سڑک کے کنارے بم پھٹنے سے 23 فوجیوں پر مشتمل بس تباہ ہو گئی اور تمام فوجی موقع پر ہی ہلاک ہو گئے۔بغداد میں ایک خود کش کار بم حملے میں ایک عورت سمیت 10، افراد ہلاک ہو گئے۔
دوسری طرف پولیس کے ذرائع کے مطابق ایران کے عربی ٹی وی چینل کے نمائندے عادل المنصوری کی گولیوں سے چھلنی لاش ملی ہے۔ عراق پر سن 2003 میں امریکی حملے کے بعد سے اب تک 70 غیر ملکی اور عراقی صحافی ہلاک ہو چکے ہیں۔
مبصرین کا خیال ہے کہ عراق میں حالیہ بم دھماکوں اور خود کش حملوں کی وجہ سے ہونے والی ہلاکتوں کے باعث عراقی عوام میں حکومت کی طرف سے مایوسی بڑہتی جار ہی ہے۔