سر بجیت سنگھ کے اہلخانہ پاکستان پہنچ گئے
24 اپریل 2008اشتہار
سربجیت سنگھ یا منجیت سنگھ کے اہلخانہ کی لاہور آمد پر انہوں نے کہا کہ وہ پاکستانی قوم سے اپناعزیز واپس لے جانے کے لئے ان کے قدموں میں اپنا سر رکھنے کو بھی تیار ہیں ۔ سر بجیت کے اہلخانہ میں ان کی ایک بیٹی بھی شامل ہے جو پہلی مرتبہ اپنے باپ سے ملنے آئی ہے۔
سر بجیت کی معصوم بیٹی نے اپنی اس تمنا کا اظہار بھی کیا کہ انہیں امید ہے کہ وہ اپنا باپ زندہ سلامت اپنے ساتھ لیجانے میں کامیاب ہو جائے گی۔
پاکستان میں دہشت گردی کی پاداش میں سزائے موت کا بھارتی باشندہ جیل کی کال کوٹھری میں شائد اپنے آخری دن گن رہا ہے کیونکہ کشمیر شنگھ کا بھارت واپس جانے کے بعد اس بات کا اعتراف کرنا کہ وہ جاسوس تھا اور اسی اثنا بھارت کی طرف سے پاکستانی کرکٹ کے شیدائی کی لاش کی واپسی سے حکومت پر بھی کافی دباو ہے ۔ تاہم ابھی اس بارے میں کچھ کہنا قبل از وقت ہو گا۔