راولپنڈی میں دو مشتبہ پیکٹ برآمد

اسلام آباد سے ملنے والی رپورٹوں کے مطابق راولپنڈی کی پولیس اور فوجی ذرائع نے ان مشکوک پیکٹوں کے ملنے کی تصدیق کی ہے۔

سرکاری ٹیلی وژن سے نشر ہونے والی ایک خبر میں بتایا گیا کہ ان دونوں پیکٹوں میں مبینہ طور پر دھماکہ خیز مواد تھا۔ ’’یہ راولپنڈی میں چند حساس دفاتر پر بم حملے کا منصوبہ تھا، جو فوج کے ہیڈ کوارٹرز کے قریب ہی واقع ہیں۔‘‘

پاکستان میں طالبان اپنے ٹھکانوں پر ملکی فوج کی مسلح کارروائیوں کے باوجود اپنے بم حملے جاری رکھے ہوئے ہیں۔ ان عسکریت پسندوں کی کوشش ہے کہ وہ پاکستانی حکومت کو غیر مستحکم بنا دیں، جو دہشت گردی کے خلاف جنگ میں امریکہ کی اتحادی ہے۔

راولپنڈی سے ملنے والے دو مشتبہ پیکٹوں کی صورت میں ناکام بنا دیے جانے والے مبینہ بم حملے کے اس منصوبے کے بارے میں مزید کوئی تفصیلات نہیں بتائی گئیں۔

رپورٹ: عصمت جبیں

ادارت: افسر اعوان