دوسری عالمی جنگ کے بعد کی حسین یورپی اداکارائیں
ماضی کی مشہور اداکارہ جینا لولوبریجیڈا چار جولائی کو نوے برس کی ہو گئی ہیں۔ انہوں نے کئی فلموں میں ہوش ربا اداکاری کے جوہر دکھائے تھے۔ وہ اور صوفیہ لورین اطالوی فلم انڈسٹری کی اہم اداکاراوں میں شمار ہوتی تھیں۔
جینا لولوبریجیڈا: عالمی فلمی صنعت کی حسین ترین اداکارہ
جینا لولوبریجیڈا کے ساتھ عوام اور پریس ہمیشہ محبت کرتے رہے ہیں۔ وہ روم کے نواح میں سن 1927 میں پیدا ہوئی تھیں۔ وہ سن 1950 اور 1960 کی دہائی میں یورپی فلمی صنعت کی ایک اہم اداکارہ تھیں۔ وہ عام طور پر ’لا لولو‘ کی عرفیت سے پکاری جاتی تھیں۔ پچیس برس پر پھیلے فلمی کیریئر کے بعد سن 1970 کے اوائل میں وہ فلمی دنیا سے کنارہ کش ہو گئی تھیں۔
صوفیہ لورین: لا لولو کے مقابلے کی اداکارہ
جینا لولو بریجیڈا اپنی جلوہ گری میں اکیلی نہیں تھیں، انہیں اُس دور میں ابھرنے والی اداکارہ صوفیہ لورین کی صلاحیتوں کا سامنا رہا۔ صوفیہ لورین، جینا لولوبریجیڈا کے فلمی کیریئر شروع ہونے کے چھ برس بعد فلمی صنعت میں داخل ہوئی تھیں۔ فلمی انڈسٹری میں دونوں اداکاروں کے درمیان سخت مقابلہ بازی رہی۔
کلاؤڈیا کارڈینیل: ایک اور اطالوی حسینہ
یورپی فلم انڈسٹری پر مسلسل اطالوی حسیناؤں کی آمد رہتی ہے۔ سن 1960 کی دہائی کے آخری مہینوں میں کلاؤڈیا کارڈینل یورپی فلمی منظر پر نمودار ہوئیں۔ اس اداکارہ نے بھی کئی فلموں میں یادگار کردار ادا کیے۔
بریجیٹ باردو: ایک اور قاتل حسینہ
فلموں میں ہوش ربا پرفارمنس دینے والی اداکاروں کے سلسلے میں فرانسیسی حسینہ بریجیٹ باردو نے سب کو پیچھے چھوڑ دیا۔ انہیں اُس دور میں ’سیکس بم‘ سے پکار جاتا تھا۔ باردو نے بھی جینا لولوبریجیڈا کی طرح سن 1970 میں فلم ورلڈ کو خیرباد کہہ دیا تھا۔
کیتھرین ڈُونوو: ایک باصلاحیت اداکارہ
بریجیٹ باردو کی ہم وطن کیتھرین ڈُونوو بھی ایک باصلاحیت اداکارہ تھیں۔ اُن کی فلموں میں سنجیدگی کا عنصر غالب تھا اور وہ مردوں کے جذبات بھڑکانے والی فلموں سے زیادہ موضوعاتی فلموں کی جانب راغب تھیں۔
رومی شنائیڈر: جرمنی کی حسینہ
جرمنی سے تعلق رکھنے والی خوبرو اداکارہ رومی شنائیڈر سن 1960 اور 1970 کی دہائی کے سنہرے یورپی فلمی دور سے تعلق رکھتی ہیں۔ رومی کو یورپی فلمی صنعت کی انتہائی حسین اور پرفارمنس دینے والی اداکارہ قرار دیا جاتا ہے۔ وہ چوالیس برس کی عمر میں سن 1982 میں انتقال کر گئی تھیں۔
آئرین پاپس: یونان کا دیومالائی حسن
قدرے چھوٹے یورپی ملک سے ابھرنے والی اداکارہ آئرین پاپس دوسری عالمی جنگ کے بعد کی یورپی فلمی صنعت سے منسلک ہوئیں اور کئی فلموں میں اہم کردار ادا کیے۔ آئرین پاپس اپنے ملک کی ایک مشہورمغنیہ بھی تھیں۔ ان کی ایک مشہور فلم ’زوبرا دی گریک‘ تھی۔
تاتینا ساموئلیفا: روسی حسینہ
روس سے تعلق رکھنے والی مشہور اداکارہ تاتینا مغربی یورپی فلم انڈسٹری کی کئی شاہکار فلموں میں جلوہ گر ہوئیں۔انہوں نے جرمن، فرانسیسی اور انگلش فلموں میں اداکاری کے جوہر دکھائے۔ انہیں روسی فلم انسٹری کا سب سے روشن ستارہ قرار دیا جاتا ہے۔
کرسٹینا جینڈا: ایک مدبر اداکارہ
پولستانی اداکارہ کرسٹینا جینڈا کو یہ اعزاز حاصل ہے کہ انہیں دیارغیر کی فلموں میں بھی پذیرائی حاصل ہوئی۔ سن 1970 کی دہائی میں وہ انتہائی سنجیدہ کردار نگاری میں اپنا ثانی نہیں رکھتی تھیں۔ اپنے ملک پولینڈ میں وہ ایک گلوکارہ اور مصنفہ کے طور پر بھی پہچانی جاتی ہیں۔
پینلوپے کرُوز: فلمی پردے پر جذبات نگاری
ہسپانوی فلم انڈسٹری سے تعلق رکھنے والی خوبرو اداکارہ پینلوپے کروز کا طُرہٴ امتیاز یہ ہے کہ وہ فلم کے کردار میں جذبات کی پرفارمنس کو حقیقت کے قریب لے جاتی ہیں۔ وہ یورپی اور ہالی وڈ انڈسٹری کی کئی فلموں میں اداکاری کے جوہر دکھا چکی ہیں۔