٫٫ججوں کی بحالی کی کوئی ڈیڈ لائن نہیں‘‘ وزیرِ اعظم یوسف رضا گیلانی
29 اگست 2008پاکستانی وزیرِاعظم یوسف رضا گیلانی نے کہا کہ مسلم لیگ ن ہماری اتحادی رہی ہے۔ آصف علی زرداری سے بھی نواز شریف کے تعلقات خوشگوار ہیں۔
وزیرِ اعظم یوسف رضا گیلانی کا کہنا تھا کہ حکومت اس وقت دہشت گردی اور معیشت کے حوالے سے کئی مسائل کا شکار ہے۔ انہوں نے کہا کہ اگر دہشت گر اسلحہ پھینک دیں تو ان سے بات چیت کی جاسکتی ہے لیکن انہیں حکومت کی رٹ کو چیلنج کرنے کی اجازت کسی صورت نہیں دی جاسکتی۔ ان کا کہنا تھا کہ دشت گرد متوزی حکومت چلانے کی کوشش کر رہے ہیں جو برداشت نہیں۔ انہوں نے کہا کہ حکومت قبائلی علاقوں میں گوریلا جنگ سے نبرد آزما ہے جو جلد ختم نہیں ہوسکتی۔
یوسف رضا گیلا نی نے کہا کہ ملک میں بجلی کا بحران سبسڈی کے ختم کرنے کی وجہ سے پیدا ہوا ہے اور اس پر جلد قابو پا لیا جائے گا۔ وزیرِ اعظم نے کہا کہ آصف علی زرداری صدارتی انتخابات سے دستبردار نہیں ہو رہے۔ انہوں نے کہا کہ مسلم لیگ ن کے وزراء کے استعفی جلد منظور کر لئے جائیں گے اور ایم کیو ایم کو جلد وفاقی حکومت میں جگہ دی جائے گی