بیف کھانے کی ویڈیو، کاجول تنقید کا نشانہ

اس ویڈیو میں کاجول اپنے دوست کے ہمراہ دیکھی جا سکتی ہیں اور وہ کہہ رہی ہیں کہ وہ گائے کے گوشت سے تیار کی گئی کی ایک ڈش کھانے لگی ہیں جو کہ ان کے دوست نے تیار کی ہے۔

اس ویڈیو کے شائع ہونے کے بعد سوشل میڈیا پر کئی افراد نے کاجول کو تنقید کا نشانہ بنایا۔

بھارتی اداکارہ کو ایک ٹوئٹ کہ ذریعے وضاحتی بیان میں کہا،’’پیر کی شب میرے دوست کی دعوت پر بھینس کے گوشت کی ایک ڈش تھی۔ یہ گوشت بھارت میں قانونی طور پر دستیاب ہے۔‘‘ کاجول نے اس بیان میں کہا کہ وہ یہ پیغام اس لیے جاری کر رہی ہیں کیوں کہ یہ ایک حساس معاملہ ہے جو کسی کے مذہبی جذبات کو تکلیف پہنچا سکتا ہے اور وہ کسی کو تکلیف نہیں پہنچانا چاہتیں۔

بھارت کی ریاست مہاراشترا اور ملک کے دیگر حصوں میں گائے کے گوشت کی فروخت پر پابندی عائد ہے۔ سوشل میڈیا پر تنقید کا سامنا کرنے والی 42 سالہ کاجول نے بعد میں اس ویڈیو کو ڈیلیٹ کر دیا تھا۔