بیجنگ اولمپکس میں چینی کھلاڑیوں نے دو گولڈ میڈل جیت لئے
10 اگست 2008اشتہار
بیجنگ اولمپیائی مقابلوں کا پہلا ھولڈ میڈل ایئر گن شوٹنگ میں چیک جمہوریہ کی کھلاڑی کاترینا ایمونز نے جیتا جبکہ میزبان ملک کے لئے پہلے دونوں گولڈ میڈل 48 کلوگرام وزن کے شعبے میں خاتون ویٹ لفٹرچَین زی ژیا اور ائیر گن شوٹنگ کے شعبے میں مرد کھلاڑی پانگ وائی نے جیتے۔
جرمنی کی خواتین کی قومی فٹ بال ٹیم جو موجودہ عالمی چیمپئین بھی ہے نائیجیریا کے خلاف اپنا ابتدائی میچ صفر کے مقابلے میں ایک گول سے جیت کر قبل ازوقت ہی کوارٹر فائنل میں پہنچنے میں کامیاب ہو گئی۔
اس کے علاوہ سٹریٹ سائیکلنگ کے شعبے میں مردوں کا گولڈ میڈل اسپین کے کھلاڑی سیموئل سانچیز نے جیتا۔