بھارت کے بین الاقوامی چیف ایگزیکٹوز

ستیا نارائن ندیلا بھارتی شہر حیدرآباد میں پیدا ہوئے اور وہ سن 2014 کے آغاز سے امریکی ٹیکنالوجی جائنٹ مائیکروسافٹ کے سی ای او ہیں۔ انہوں نے بھارت میں بیچلر کی ڈگری حاصل کی تھی، تاہم کمپیوٹر سائنس کے شعبے میں انہوں نے اعلیٰ تعلیم امریکا سے حاصل کی۔ انہوں نے مائیکروسافٹ سے قبل سن مائیکروسسٹم نامی ادارے میں کام کیا۔

انڈین انسٹیٹیوٹ آف ٹیکنالوجی سے فارغ التحصیل پچائی گوگل کے نئے سی ای او ہیں۔ چنائی میں پیدا ہونے والے پچائی نے سن 2004ء میں گوگل سے وابستگی اختیار کی تھی۔ گوگل کے دوبانیوں میں سے ایک لیری پیج نے اپنے ایک حالیہ بلاگ میں پچائی کے بارے میں لکھا تھا کہ وہ انتہائی خوش قسمت ہیں کہ ان کے ادارے کو چلانے کے لیے اتنا قابل شخص موجود ہے۔

نوئی سن 2006 سے، ریونیو کے اعتبار سے مشروبات تیار کرنے والے دنیا کے دوسرے سب سے بڑے ادارے پیسپی کی سی ای او ہیں۔ گزشتہ کئی برسوں سے انہیں دنیا کی سو بااثر ترین خواتین کی فہرست میں رکھا جا رہا ہے۔ انہوں نے اسکول اور کالج کی سطح کی تعلیم بھارت سے جب کہ اعلیٰ تعلیم امریکا سے حاصل کی تھی۔

مائیکروسافٹ کے سربراہ کی طرح نارائن نے بھی حیدرآباد پبلک اسکول سے تعلیم حاصل کی۔ وہ ایڈوب سسٹمز کے سی ای او ہیں۔ نارائن نے اپنے پیشہ وارنہ کریئر کا آغاز ایپل سے کیا تھا۔

نوکیا کے سربراہ راجیو سوری نے منی پل انسٹیٹیوٹ آف ٹیکنالوجی سے تعلیم حاصل کی تھی۔ نوکیا کے فون کے شعبے کی مائیکروسافٹ کو فروخت کے بعد وہ نوکیا کے سربراہ بن گئے۔

اجے بنگا سن 2010 سے ماسٹرکارڈ کے سربراہ ہیں۔ دہلی یونیورسٹی سے معاشیات میں ڈگری کے حامل بنگا نے ایم بی اے کی ڈگری احمدآباد میں قائم انڈین انسٹیٹیوٹ آف مینیجمنٹ سے حاصل کی تھی۔

احمد آباد کے انسٹیٹیوٹ آف مینیجمنٹ ہی سے فارغ التحصیل مینیزیس ڈیاگو کمپنی کے سربراہ ہیں۔ یہ بین الاقوامی کمپنی الکوحل کے حامل مشروبات تیار کرتی ہے۔