بارسیلونا کے ہاتھوں بائرن میونخ کو عبرتناک شکست
9 اپریل 2009اشتہار
بارسیلونا نے پورے نوے منٹ تک جارحانہ کھیل کا مظاہرہ کیا اور بائرن میونخ کے دفاع کو بار بار مات دی۔کھیل کے پہلے ہی ہالف میں ایف سی بارسیلونا نے ایف سی بائرن میونخ کے خلاف چار گول داغے۔ میونخ کی ٹیم کھیل ختم ہونے تک بھی کوئی گول نہیں کرسکی۔
بارسیلونا کی طرف سے Lionell Messi نے دو، Samuel Eto'o اور Thierry Henry نے ایک ایک گول اسکور کئے۔
اسپین کے شہر بارسیلونا میں ایف سی بارسیلونا کی ٹیم پوری طرح چھائی رہی اور میچ کے آغاز سے انجام تک ایسا بالکل واضح تھا کہ میچ کون سی ٹیم جیت رہی ہے۔
بائرن میونخ کے کھلاڑی پورے میچ کے دوران بے بس اور لاچار نظر آئے اور ان کے پاس بارسیولنا کے جارحانہ اور ہنر سے بھرپور کھیل کا کوئی جواب نہیں تھا۔
چیمپیئنز لیگ کے دوسرے میچ میں چیلسی نے لیورپول کو ایک کے مقابلے میں تین گول سے شکست دی۔