ایک ہزار اضافی فوجی افغانستان بھیجے جائیں گے
25 جون 2008اشتہار
جرمن وزیر خارجہ فرانک والٹر شٹائین مایئر نےبدھ کے دن پارلیمان میں، پیرس منعقدہ حالیہ افغانستان کانفرنس کا میزانیہ پیش کرتے ہوئے ، افغانستان کے لئے برلن حکومت کی آئیندہ حکمت عملی بیان کی اور اعلان کیا کہ ایک ہزار اضافی جرمن فوجی افغانستان بھیجے جائیں گے۔ اس سے قبل افغانستان میں پینتیس ہزار جرمن فوجی پہلے ہی تعینات ہیں ۔ جرمن وزیر خارجہ نے ابھی تک افغانستان میں اپنے فوجیوں کی کارکردگی پر اطمینان کا اظہار کیا اور کہا کہ وہ پر امید ہیں کہ بہت جلد افغانستان میں حالات ٹھیک ہو جائیں گے۔
انہوں نے کہا کہ پر امن اور محفوظ حالات کے بغیر تعمیر نو کے عمل کو آگے نہیں بڑھابا جا سکتا۔ شٹائن مائرنے کہا کہ افغانستان میں کئے جا رہے اقدامات افغانستان کے مستقبل اور جرمنی کی سلامتی دونوں کے لئےاہم ہے۔