ایک اور مبینہ امریکی حملہ، کم از کم چار افراد ہلاک
12 اکتوبر 2008اشتہار
یہ مبینہ امریکی فضائی حملہ ہفتے کے روز میران شاہ کے علاقے میں پیش آیا۔ پاکستانی حکّام کے مطابق یہ حملہ طالبان عسکریت پسند رہنما عمر دراز کے ٹھکانے پر کیا گیا تھا تاہم ہلاک ہونے والوں کی تاحال شناخت نہیں کی جا سکی ہے۔ مبینہ امریکی حملے کی افواجّ پاکستان یا امریکہ کی جانب سے تصدیق سامنے نہیں آئی ہے۔ پاکستانی سرحد کے اندر مبینہ امریکی حملوں کی تعداد میں حالیہ ہفتوں میں اضافہ دیکھنے میں آیا ہے۔ پاکستانی حکّام نے دو ہفتے قبل شِمالی وزیرستان ہی میں ایک اور امریکی حملے میں القاعدۃ کے بیس غیر ملکی عسکریت پسندوں کے ہلاک ہونے کی تصدیق کی تھی۔