ایران پر حملے کا بہانہ نہیں ڈھونڈ رہے ہیں: گیٹس
16 فروری 2007اشتہار
رابرٹ گیٹس نے امریکی افواج کے سربراہ پیٹر پیسن کے ہمراہ ایک پریس کانفرنس کے دوران کہا کہ امریکہ ایران سے جنگ یا اس پر حملہ کرنے کے لئے کوئی بہانہ نہیں ڈھونڈ رہا ہے۔ تاہم انہوں نے بحران ذدہ عراق میں امریکی فوجیوں پر ہونے والے حملوں کے لئے ایران کے ’کردار‘ کی نکتہ چینی کی۔
انہوں نے کہا کہ ایرا ن کے انقلابی گارڈز کی ایک شاخ ’القدس فورس‘ کے جنگجو عراق میں امریکی افواج پر کئے جانےوالے کئی حملوں میں ملوث ہیں۔ انقلابی گارڈز ایران کے سرپرست رہنما آیت اللہ علی خامنئی کو جوابدہ ہیں۔