افتخار چوہدری کے اہل خانہ کی نظربندی ختم ؟
3 مارچ 2008
بیشتر ملکی ذرائع ابلاغ نے جب معذل کئے گئے چیف جسٹس کے اہل خانہ کی نظری بندی ختم کئے جانے کی خبر کو Breaking News کے طور پر نشر کیا تو دارلحکومت میں ایک بھونچال سا آگیا۔ وکلاءبرادری سمیت سول سوسائٹی کے ارکان اور سابق چیف جسٹس کے رشتہ دار سب ہی ججز کالونی کی طرف رواں دواں ہو گئے۔ نشر کی جانے والی خبر کے مطابق معذول چیف جسٹس کے اہل خانہ کی نظر بندی کو ختم کرتے ہوئے انہیں گھر سے باہر نکلنے کی اجازت دے دی گئی ۔ لیکن جب سب لوگ معذول چیف جسٹس کے گھر کے قریب پہنچے تو کہانی کچھ اور ہی نظر آئی ۔ پولیس اسی طرح رکاوٹیں لگائے کھڑی ہوئی تھی اور کسی کو بھی ان سے ملنے نہیں دیا گیا۔ اس موقع پر وکلاءبردادری نے احتجاج کرتے ہوئے صدر مشرف کے خلاف نعرے بازی کی۔ جب مظاہریں نے خار دار تار کی باڑ ہٹانے کی کوشش کی تو مظاہریں کو منتشر کرنے کے لئے پولیس تے آنسو گیس کا استعمال کیا۔