1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

YEREVAN: Uchaguzi wa Armenia wasifiwa.

YEREVAN

Jopo la wachunguzi wa uchaguzi la Shirika la Ushirikiano na Usalama la Ulaya limesema uchaguzi wa jana wa bunge umeendeshwa vizuri kiasi kuliko chaguzi za awali katika Jamhuri ya Armenia.

Mwanachama mmoja wa jopo hilo amewaambia waandishi wa habari kwamba uchaguzi huo kwa kiasi kikubwa umeendeshwa kufuatana na viwango vya kimataifa.

Maitaifa ya magharibi yalikuwa yameitaka Armenia kuzuia udanganyifu au kutishiwa wapiga kura wakati wa uchaguzi huo.

Wakati huo huo, imebainika chama tawala cha Republican na vyama vyote vinavyomuunga mkono rais wa nchi hiyo yamkini vitashinda uchaguzi huo.

Tume ya uchaguzi imesema miongoni mwa kura asilimia sitini zilizohesabiwa, chama cha Republican kimejishindia zaidi ya asilimia thelathini na tatu wakati ambapo chama kikuu cha upinzani kimepata asilimia 6.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com