1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

YANGON:Mawasiliano ya mtandao wa Internet yakatizwa

Mawasiliano makuu ya mtandao wa internet nchini Myanmar yamekatizwa baada ya siku mbili za machafuko katika mji mkuu wa Yangon.

Afisa mmoja wa mawasiliano ya simu amesema kwamba hali hiyo imesababishwa na kuharibiwa waya zilizo chini ya maji.

Lakini waandamanaji wanasema, huenda serikali imehusika na kukatiza mawasiliano hayo ili kuzuia kupelekwa nje taarifa zaidi na picha za video zinazo onyesha operesheni ya vikosi vya serikali dhidi ya waandamanaji wanao ipinga serikali ya kijeshi.

Vyombo vya usalama nchini Myanmar pia vimezifunga nyumba kuu tano za watawa katika mji mkuu wa Yangoon na kutangaza amri kwamba maeneo hayo hayaruhusiwi kufikiwa kwa ajili ya kuzuia ghasia zaidi.

Hatua hiyo imefuatia baada ya radio ya taifa kutangaza kuwa watu tisa waliuwawa jana baada ya wanajeshi kufyatua risasi na kutumia gesi ya kutoa machozi ili kuwatawanya waandamanaji.

Balozi wa Australia nchini Myanmar ameeleza wasiwasi wake kwamba huenda idadi ya watu waliouwawa ikawa zaidi ya watu tisa.

Wakati huo huo Marekani imezuia mali za maafisa 14 wa Myanmar.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com