1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Waziri mkuu wa New Zealand ausifu mkutano wa Commonwealth

Waziri mkuu wa New Zealand, Helen Clark, amesema leo kwamba mkutano wa jumuiya ya madola, Commonwealth, uliomalizika jana mjini Kampala Uganda, umefaulu kupiga hatua katika juhudi za kimataifa za kupunguza ongezeko la joto duniani.

Katika taarifa yake, Helen Clark, aliyehudhuria mkutano huo wa kilele uliozileta pamoja nchi 53 wanachama wa jumuiya ya madola, amesema tangazo la pamoja la mkutano wa mjini Kampala kuhusu mabadiliko ya hali ya hewa limetoa mchango mkubwa katika kukabiliana na utoaji wa gesi chafu za viwandani.

Tangazo hilo hata hivyo halina mafungamano kuhusu kujitolea kuyalinda mazingira.

Clark ameongeza kusema mkutano wa Commonwelath ni wa tatu wa kimataifa katika miezi mitatu iliyopita, kuwa na ajenda kuhusu mabadiliko ya hali ya hewa kama mada kuu ya mkutano.

Mkutano wa kikanda kati ya Asia na Pacific uliofanyika mjini Sydney, Australia, mkutano wa nchi za Asia Mashariki na hatimaye mkutano wa Commonwelath, yote inaendeleza kasi kufikia mkutano wa Umoja wa Mataifa kuhusu mabadiliko ya hali ya hewa utakaofanyika kisiwani Bali nchini Indonesia mwezi ujao.

  • Tarehe 26.11.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CT3B
  • Tarehe 26.11.2007
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/CT3B

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com