1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Waziri mkuu wa Libya aliyetekwa nyara sasa yuko huru

Waziri mkuu wa Libya Ali Zeidan aliyetekwa nyara na watu wenye silaha mapema leo alfajiri(10.10.2013)kutoka katika hoteli anayoishi mjini Tripoli ameachiwa huru.

Libyan's Prime Minister Ali Zeidan speaks to the media during a press conference in Rabat, Morocco, Tuesday, Oct. 8, 2013. Libya¿s prime minister, on a visit to Morocco, has stressed the importance of relations with the U.S. but maintains that Libyans have the right to be tried for crimes at home. (AP Photo/Abdeljalil Bounhar)

Waziri mkuu wa Libya Ali Zeidan

Serikali ya Libya imesema kuwa tukio la kutekwa nyara huenda lilikuwa ni ulipizaji kisasi dhidi ya kitendo cha kikosi cha jeshi la Marekani mwishoni mwa wiki iliyopita ambapo mwanaharakati mmoja anayehusika na kundi la al-Qaeda alikamatwa katika mitaa ya mji huo mkuu.

Kutekwa nyara kwa Ali Zeidan kunaakisi udhaifu mkubwa katika serikali ya Libya , ambayo inashikiliwa mateka na wanamgambo , wengi wao wanatoka katika makundi ya wapiganaji wa Kiislamu.

Wanamgambo hao wanasemekana kuwa wamekasirishwa na hatua ya jeshi la Marekani kumkamata mtuhumiwa, anayehusika na kundi la al-Qaeda, ambaye anafahamika kama Abu Anas al-Libi, na wanaishutumu serikali kwa kuruhusu kikosi hicho cha Marekani ama kushirikiana nacho kumkamata mtuhumiwa huyo.

Senior al Qaeda figure Anas al-Liby is seen in an undated FBI handout photo released October 5, 2013. Anas al-Liby, indicted by the United States for his alleged role in the 1998 bombings of U.S. embassies in East Africa, was captured in Libya by a U.S. team and is in American custody, U.S. officials said on Saturday. REUTERS/FBI/Handout via Reuters (UNITED STATES - Tags: CRIME LAW POLITICS MILITARY) ATTENTION EDITORS - FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. THIS PICTURE WAS PROCESSED BY REUTERS TO ENHANCE QUALITY

Mwanaharakati wa al-Qaeda Abu Anas al-Libi

Wavamia hoteli

Watu walioshuhudia wameliambia shirika la habari la Associated Press kuwa zaidi ya watu 150 waliokuwa na silaha wakiwa katika magari ya pikup waliizingira hoteli ya Corinthia kabla ya majira ya alfajiri leo.

Kundi kubwa la watu hao liliingia katika jengo hilo la hoteli, baadhi wakisalia katika eneo la kupokelea wageni wakati wengine walielekea katika ghorofa ya 21 ambako Zeidan alikuwa akiishi.

Watu hao wenye silaha waliwafunga pingu walinzi wa waziri huyo mkuu kabla ya kumkamata na kuondoka nae, amesema mtu mmoja aliyeshuhudia tukio hilo, akizungumza kwa masharti ya kutotajwa jina kwasababu ya kuhofia usalama wake.

Wamesema kuwa Zeidan hakutoa upinzani wowote wakati akiongozwa kuelekea katika magari ya watu hao.

Libyan security force members patrol the streets by Revolution square on February 15, 2013 in Benghazi, Libya. Libya on Sunday will mark the second anniversary of the uprising that toppled the regime of strongman Moamer Kadhafi, amid fears of fresh violence and calls for demonstrations across the country. The government has already taken a series of measures to contain any attempt by supporters of the former regime to sow chaos amid anger from protesters who accuse the new rulers of failing to push for reform. AFP PHOTO/ABDULLAH DOMA (Photo credit should read ABDULLAH DOMA/AFP/Getty Images)

Wanamgambo wenye silaha nchini Libya

Mtafaruku wa uongozi

Katika ishara ya mtafaruku nchini Libya , kukamatwa kwa Zeidan kumeelezwa na duru mbali mbali kuwa ama ni kuwekwa kizuwizini, ama ni utekaji nyara, unaoakisi jinsi wanamgambo wanavyoingiliana na mfumo wa uongozi ambao hauko pamoja nchini Libya.

Mohamed Shaaban , meneja wa usalama katika hoteli hiyo ya Corinthia, amesema kuwa watu hao wenye silaha wameuonyesha uongozi wa hoteli hiyo waranti wa kukamatwa kwa waziri mkuu huyo , ambao wamedai umetolewa na mwendesha mashtaka mkuu wa serikali.

Ofisi ya mwendesha mashtaka mkuu wa serikali imesema haijatoa waranti kwa kukamatwa Zeidan.

Bildnummer: 53413961 Datum: 23.09.2009 Copyright: imago/UPI Photo Libyan leader Colonel Moammar al-Gaddafi speaks at the 64th United Nations General Assembly in the UN building in New York City on September 23, 2009. UPI/John Angelillo Libyan President Moammar al-Gaddafi speaks at the 64th United Nations General Assembly at the UN in New York PUBLICATIONxINxGERxSUIxAUTxHUNxONLY People Politik UNO Generalversammlung kbdig xsk 2009 hoch Highlight premiumd o00 zerreißen, zerreißt, Charta o00 Porträt Bildnummer 53413961 Date 23 09 2009 Copyright Imago UPi Photo Libyan Leader Colonel Moammar Al Gaddafi Speaks AT The 64th United Nations General Assembly in The UN Building in New York City ON September 23 2009 UPi John Angelillo Libyan President Moammar Al Gaddafi Speaks AT The 64th United Nations General Assembly AT The UN in New York PUBLICATIONxINxGERxSUIxAUTxHUNxONLY Celebrities politics UN GENERAL ASSEMBLY Kbdig xSK 2009 vertical Highlight premiumd o00 rip tears Charter o00 Portrait

Kiongozi wa zamani wa Libya marehemu Muammar Gaddafi

Wakati polisi na jeshi la nchi hiyo hayako katika hali nzuri, wanamgambo huorodheshwa kutumika kama walinzi wa usalama katika mashirika ya serikali , licha ya kuwa utiifu wao uko kwa makamanda wao badala ya maafisa wa serikali na mara kadha wameweza kuwatisha maafisa. Wanamgambo wanatokana na vikosi ambavyo vimepigana katika vuguvugu la kuuangusha utawala wa kanali Muammar Gaddafi mwaka 2011, na mara kadha wanatambulika kama "wanamapinduzi".

Lakini hivi punde mbunge katika bunge la Libya amesema kuwa waziri mkuu huyo ameachwa huru na wanamgambo waliomteka leo alfajiri.

Mwandishi : Sekione Kitojo / rtre / ape

Mhariri: Yusuf Saumu

DW inapendekeza

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com