WASHINGTON: Waziri abakia kimya kuhusu Somalia

Waziri wa ulinzi wa Marekani Robert Gates,amekataa kusema cho chote kuhusu ripoti ya mashambulizi yaliolenga vituo nchini Somalia. Hapo awali,stesheni ya televisheni CNN iliripoti kuwa manowari ya jeshi la wanamaji la Marekani ilirusha makombora dhidi ya vituo vilivyoshukiwa kuwa vya Al-Qaeda,kaskazini mwa Somalia.Wakazi wamesema,waliona makombora yakishambulia maeneo ya milimani yaliyokaliwa na wanamgambo wa kigeni. Kwa hivi sasa,hakuna ripoti kuhusu hasara iliyosababishwa na mashambulizi hayo.