1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

WASHINGTON : Uamuzi wa Korea Kaskazini wakaribishwa

Serikali duniani kote hapo jana zimepongeza taarifa kwamba Korea Kaskazini imekubali kuanza tena mazungumzo juu ya mpango wake wa nuklea na kutelekeza silaha za nuklea.

Rais George W. Bush wa Marekani amesema ameridhishwa sana na hatua iliofikiwa baada ya Korea Kaskazini kurudia ahadi yake ya kutokomeza silaha zake za nuklea ili iweze kupatiwa hakikisho la usalama na ridhaa nyenginezo.

Majirani wa Korea Kaskazini Japani na Korea Kusini zimekuwa nchi za kwanza kukaribisha uamuzi huo ambao umekuja wiki tatu tu baada ya Korea Kaskazini kufanya jaribio lake la kwanza la bomu la nuklea.Urusi ikikaribisha habari hizo imeonekana kutahadharisha juu ya uwezekano wa kufanyika kwa mazungumzo hayo.

Katibu Mkuu wa Umoja wa Mataifa Kofi Annan pia ameungana na itikio hilo la kimataifa kupongeza uamuzi wa Korea Kaskazini.

Korea Kaskazini ilikuwa imesusia mazungumzo ya pande sita yenye kuzihusisha China,Japani,Korea Kusini,Urusi na Marekani tokea mwezi wa Novemba mwaka jana.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com