1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Washington. Bush aahidi kuendelea na mapambano dhidi ya ugaidi.

Rais wa Marekani George W. Bush amesema kuwa kushindwa kwa chama chake cha Republican katika uchaguzi wa baraza la Congress wiki iliyopita hakupunguzi nia yake ya kupambana na ugaidi.

Katika hotuba yake ya kila wiki kwa njia ya radio , Bush ameahidi kufanyakazi na chama cha Democrats kuhakikisha kuwa Marekani inashinda maadui zake.

Katika uchaguzi uliopita wa baraza la Congress , chama cha Democratic kimeshinda udhibiti wa mabaraza yote mawili, baraza la wawakilishi na lile la Seneti kwa mara ya kwanza katika muda wa miaka 12.

Wadadisi wanasema kuwa kukataa kwa wapigakura jinsi vita vya Iraq vinavyoendeshwa , ni sababu kubwa ya matokeo hayo.

Wakati huo huo rais George W. Bush anamkaribisha waziri mkuu wa Israel Ehud Olmert katika Ikulu ya Marekani kesho Jumatatu, wakati chama cha upinzani cha Democratic kikidhibiti baraza la Congress na huenda kikatoa msukumo wa kufanyika mazungumzo na wale wanaoonekana kuwa maadui wa Israel Iran na Syria.

Olmert anawasili nchini Marekani wakati hali ya uongozi wa kisiasa imebadilika nchini humo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com