1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Afrika

Wananchi wa Algeria wapiga kura leo

Leo wananchi wa Algeria wamemiminika katika vituo vya kupigia kura katika uchaguzi wa rais ambao unasusiwa na baadhi ya vyama vya upinzani.

Pichani ni rais wa sasa Abdel Aziz Bouteflika akigombea tena kiti cha urais

Pichani ni rais wa sasa Abdel Aziz Bouteflika akigombea tena kiti cha urais

Vituo vya kupiga kura vilifungulia tangu saa mbili asubuhi saa za Algeria kwa ajili ya zoezi hilo litakaloendelea kwa saa 11 zijazo. Wagombea wakuu katika uchaguzi huo ni rais wa sasa Abdel Aziz Boutefilika mwenye umri wa miaka 77 ambaye anagombea muhula wa nne licha ya afya yake kuwa mbaya na aliyekuwa waziri mkuu Ali Benflis mwenye umri wa miaka 69 ambaye anatajwa huenda akampa changamoto Bouteflika katika uchaguzi huu. Je wachambuzi wa mambo wanautazama vipi uchaguzi huu hasa ikizingatiwa mara zote nchini Algeria chaguzi zinakumbwa na utata na madai ya udanganyifu. Saumu Mwasimba amezungumza na Ahmed Rajab mchambuzi wa Kimataifa. Kusikiliza mazungumzo hayo bonyeza alama ya spika za masikioni hapo chini.

Mwandishi:Saumu Mwasimba

Mhariri:Josephat Charo

Sauti na Vidio Kuhusu Mada