1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Walibya wapiga kura

Walibya wanapiga kura Jumamosi (07.07.2012) wakichagua bunge la taifa,ukiwa uchaguzi wa kwanza tangu kuangushwa kwa utawala wa Gaddafi,baada ya matukio kadha ambayo yameongeza hali ya wasi wasi mashariki ya nchi hiyo.

A Libyan woman holds a banner in support of the Muslim Brotherhood party in Martyr's Square in Tripoli, Libya, Thursday 5, 2012. The Libyan National Assembly elections will take place on July 7, 2012, the first free elections since 1969. (AP Photo/Manu Brabo)

Walibya wakijitayarisha kupiga kura

Vituo vya kupigia kura vimefunguliwa mapema leo asubuhi na vitafungwa baada ya saa 12 jioni. Uchaguzi huo huenda ukawa tofauti kabisa kwa wakaazi wa mji wa Tripoli, mji ambao umekuwa tulivu kuliko miji ya upande wa mashariki ya Libya ambayo imekumbwa na kuzuka mara kwa mara kwa ghasia mbaya na vitisho vya kuvuruga uchaguzi huo.

Siku ya Ijumaa , helikopta moja ilishambuliwa kwa bunduki mashariki ya Libya na kumuua mfanyakazi mmoja wa tume ya uchaguzi. Ian Martin, mkuu wa ujumbe wa Umoja wa Mataifa nchini Libya , amewataka wapigaji kura wote kutumia fursa hii ya kidemokrasia waliyoipata kwa kazi ngumu kuwachagua wawakilishi wa baraza la congress, wakati akishutumu pia mashambulizi lililoomwaga damu.

Libyan election officials work at a polling station in Tripoli, Libya, Friday, July 6, 2012. The Libyan National Assembly elections will take place on July 7, 2012 and will be the first free elections since 1969. (AP Photo/Manu Brabo)

Maafisa wa uchaguzi wa Libya katika kituo cha kupigia kura mjini Tripoli

Kundi linaloshughulikia mizozo lenye makao yake makuu mjini Brussels limeonya kuwa hatua za uchaguzi nchini Libya zinahatarishwa na wapinzani wenye silaha ambao wanatishia kuvuruga uchaguzi huo katika maeneo ya mashariki mwa nchi hiyo.

Shughuli za uchimbaji mafuta zasitishwa

Pia wakati wa kuelekea kufanyika uchaguzi huo , maeneo matano ya uchimbaji mafuta yamelazimishwa kusitisha uzalishaji na makundi ya watu wenye silaha ambao wanataka uwakilishi mkubwa zaidi kwa maeneo ya mashariki katika bunge litakalochaguliwa lenye wajumbe 200.

Waandamanaji wenye silaha Jumapili iliyopita walivamia ofisi ya tume ya uchaguzi na kuharibu vitu mjini Benghazi. Katika mji wa jirani wa Ajdabiya watu walichoma moto bohari lililokuwa limehifadhiwa vifaa vya kupigia kura.

Muundo wa bunge

Muundo wa bunge umekuwa ni suala linalozusha mjadala mkubwa, wakati makundi ya kisiasa kama lile linalopendelea mfumo wa shirikisho likitaka viti zaidi.

Baraza la taifa la mpito linalotawala NTC, limesema kuwa viti vimegawanywa kwa mujibu wa wingi wa watu katika maeneo, ambapo viti 100 vimepangiwa upande wa magharibi, 60 upande wa mashariki na 40 upande wa kusini.

Libyan Transitional National Council Prime Minister Mahmoud Jibril delivers his statement during a press conference in Tripoli, Libya, Thursday, Sept. 8, 2011. The International Criminal Court is seeking Interpol's help in arresting ousted Libyan leader Moammar Gadhafi, the court's chief prosecutor said Thursday. Luis Moreno-Ocampo is asking the international police organization to issue a red notice for Gadhafi and says arresting him is a matter of time. Gadhafi has not been seen in public for months. In an audio message broadcast Thursday by a pro-Gadhafi satellite TV channel based in Syria, he vowed never to leave Libya and called on supporters to keep fighting. (Foto:Francois Mori/AP/dapd)

Kiongozi wa baraza la taifa la mpito Mahmud Jibril

Lakini makundi upande wa mashariki yanataka mgao sawa wa viti vya bunge na yanatishia kuuchafua uchaguzi wa leo Jumamosi(07.07.2012) iwapo madai yao hayatatekelezwa.

Maafisa wanapuuzia makundi kama hayo kuwa ni ya watu wachache wanaotaka kuchafua, wakieleza kuwa zaidi ya watu milioni 2.7, ama kiasi ya asilimia 80 ya watu wenye haki ya kupiga kura , wamejiandikisha kushiriki katika zoezi hilo la kihistoria.

Libyen vor den ersten demokratischen Wahlen. Libya is moving towards elections provided for the first time. Call for women to enter into the election in order to achieve democracy and equality of justice Foto: Essam Zouber, DW arabisch Korrespondentin in Libyen. Place and Date : Tripoli – Libya 6-6 -2012

Mabango ya wagombea uchaguzi mjini Tripoli

Walibya hawajawahi kufanya uchaguzi

Libya haijafanya uchaguzi tangu wakati wa enzi za mfalme Idris, ambaye alipinduliwa na Gaddafi katika mapinduzi ambayo hayakumwaga damu mwaka 1969.

Vyama vilipigwa marufuku kuwa ni kitendo cha uhaini wakati wa utawala wa miaka 42 ya kidikteta ya kanali Gaddafi. Kwa hivi sasa kuna vyama 142 ambavyo vimeweka wagombea wao.

Mwandishi : Sekione Kitojo / afpe

Mhariri : Stumai George

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com