1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Waislamu Ethiopia wapinga mahakama za Kiislamu za Somalia

Jamii ya Waislamu nchini Ethiopia hii leo imetangaza kuwa inaunga mkono msimamo wa nchi yao kuhusu mahakama za kiislamu zinazosimamia baadhi ya maeneo katika nchi jirani ya Somalia.

Kiongozi wa kundi hilo muhimu la waislamu walio na msimamo wastani wanakashifu mahakama za muungano za kiislamu kwa kutangaza vita dhidi ya wakristo wa Ethiopia na kueneza misimamo mikali vilevile uhasama na ugaidi.

Anaongeza kuwa ghasia zilizotokea mwezi Septemba na Oktoba kati ya Wakristo na Waislamu magharibi mwa Ethiopia zilisababishwa na kundi la watu 500 waliopata mafunzo nchini Somalia.

Waziri mkuu wa Ethiopia Meles Zenawi ametangaza kuwa nchi yake iko tayari kwa vita na mahakama hizo za kiislamu na hoja hiyo kuidhinishwa na bunge kwa minajili ya kulinda nchi yake.Hata hivyo Ethiopia inakanusha madai kuwa imepeleka maelfu ya majeshi ya vita kuunga mkono serikali ya Somalia.Badala yake inakubali kuwa imepeleka washauri wa kijeshi

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com