1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Waasi 48 wa Tamil Tigers wauwawa na jeshi la Sri Lanka

Wanajeshi wa Sri Lanka wakisaidiwa na vifaru wamewaua waasi 48 wa Tamil Tigers na kuwajeruhi wengine 28 katika mapambano kadhaa kaskazini mwa nchi hiyo.

Jeshi la Sri Lanka limesema linaendelea kuzishambulia ngome za waasi hao.

Msemaji wa jeshi amethibitisha kwamba wanajeshi kumi wameuwawa na wengine 30 kujeruhiwa katika mapambanao hayo yaliyozuka jana katika eneo la Jaffna na wilaya za Vavuniya, Polonnaruwa na Mannar.

Waasi wa Tamil Tigers hawajasema lolote kuhusu mapigano kati yao na jeshi la serikali lakini wachambuzi wanasema pande zote mbili zinaiongeza idadi ya vifo kwa kutokuwepo na takwimu huru za wanaouwawa katika mapambano hayo.

Vita kati ya jeshi la serikali na waasi wa Tamil Tigers vimekuwa vikipamba moto tangu serikali ilipofutilia mbali mkataba wa kusitisha mapigano mwezi uliopita ambao ulikuwa umedumu muda wa miaka sita.

Serikali inasema waasi waliutumia mkataba huo kujihami tena.

  • Tarehe 12.02.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/D6OT
  • Tarehe 12.02.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/D6OT

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com