Vikwazo dhidi ya Gaddafi | Matukio ya Kisiasa | DW | 28.02.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Vikwazo dhidi ya Gaddafi

Baraza la Usalama la Umoja wa Mataifa linaituhumu serikali ya Libya kukiuka haki za binaadam, na limepitisha azimio la kumuwekea vikwazo Gaddafi.

default

Kiongozi wa Libya Muammar Gaddafi.

Kiongozi wa Libya, Kanali Muammer Gaddafi amepuuza vikwazo vya Umoja wa mataifa dhidi yake na amesema makundi madogo ya waasi wanaopinga utawala wake watashindwa.

Massenflucht aus Libyen

Siku ya Jumamosi Baraza la Usalama la Umoja wa mataifa lilipitisha kwa sauti moja hatua dhidi ya kiongozi wa Libya Muammar Gaddafi na jamaa zake.Vikwazo hivyo vinaanzia marufuku ya silaha, kusafiri na kufungwa akaunti zao.Taasisi hiyo muhimu ya Umoja wa Mataifa imefungua njia pia ya kuweza kuandamwa pengine Gaddafi na jamaa zake mbele ya Mahakama ya Kimataifa ya Uhalifu mjini The Hague kutokana na matumizi ya nguvu dhidi ya waandamanaji wanaoipinga serikali nchini Libya.

Ukiukaji wa haki za binaadamu

Baraza la Usalama la Umoja wa Mataifa linaituhumu serikali ya mjini Tripoli kukiuka haki za binaadam. Katika maeneo yaliyokombolewa ya Libya,upande wa upinzani unaanza kujiandaa. Waziri wa zamani wa sheria Mustafa Abdul Ashleyl ametangaza kuundwa serikali ya mpito ambayo wanachama wake watatokea katika maeneo yote ya nchi hiyo. Benghazi ndio yatakayokua makao makuu ya serikali hiyo ya mpito-hadi Tripoli utakapokombolewa anasema waziri huyo wa zamani wa serikali ya Gaddafi. Kituo cha televisheni cha Al Jazeera kimeripoti kwamba vikosi tiifu kwa Gaddafi vinaendelea kudhibiti sehemu kubwa ya Tripoli.

Libyen Proteste

Idadi ya watu waliofariki kwenye vurugu za karibu wiki mbili nchini Libya ni ngumu kujulikana lakini makadirio ni kuwa kati ya watu 1000 na 2000 wamefariki. Shirika la Umoja wa mataifa linalowashughulikia wakimbizi, linakadiria kuwa watu laki moja wameikimbia Libya wiki iliyopita.

Mwandishi: Maryam Abdalla/Ap, reuters

DW inapendekeza

  • Tarehe 28.02.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10QSl
  • Tarehe 28.02.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10QSl

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com