1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Uturuki na Armenia zarejesha uhusiano wa kibalozi

Umoja wa Ulaya umeikaribisha hatua ya Uturuki na Armenia kuanzisha tena uhusiano baina ya nchi hizo mbili.

default

Duka katika mtaa mmoja wa Istanbul nchini Uturuki.

GENEVA

Umoja wa Ulaya umeikaribisha hatua ya Uturuki na Armenia kuanzisha tena uhusiano baina ya nchi hizo mbili. Katika taarifa yake, Umoja wa Ulaya uliitaja hatua hiyo kama ya ujasiri yenye lengo la kuleta amani na udhabiti baina ya majirani hao wawili. Uturuki na Armenia zilitia saini makubaliano hayo jana jioni, mjini Geneva baada ya mzozo wa muda mrefu . Sherehe za kutia saini mkataba huo zilicheleweshwa kwa muda, baada ya tofauti kuibuka, kuhusiana na maandishi ya makubaliano hayo, lakini maafisa wa Marekani akiwemo waziri wa mambo ya nchi za nje wa Marekani Hillary Clinton wakasaidia kuleta maafikiano. Makubaliano hayo yanaanzisha tena uhusiano wa kidiplomasia na kufungua mpaka wa Uturuki na Armenia. Uhusiano kati ya majirani hao wawili ulizorota tangu mauaji ya halaiki ya Warmenia chini ya utawala wa Ottoman mwaka wa 1915. Armenia imeshikilia mauaji hayo ni mauaji dhidi ya binadamu, lakini Uturuki imekana madai hayo. Raia wa Lebanon wenye asili ya Armenia waliandamana mjini Beirut kupinga kutiwa saini kwa makubaliano hayo.

  • Tarehe 11.10.2009
  • Mwandishi Sekione Kitojo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/K3r6
  • Tarehe 11.10.2009
  • Mwandishi Sekione Kitojo
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/K3r6

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com