1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Usalama waimarishwa Libya

Majeshi ya usalama yamewekwa katika hali ya juu ya tahadhari nchini libya leo Jumapili(17.02.2013)wakati taifa hilo linaadhimisha miaka miwili tangu kuanza kwa uasi ambao ulimwondoa madarakani dikteta Moammer Gaddafi.

Soldiers of the Libyan National Army march during the graduation ceremony of new batch of the Libyan Navy special forces in the Mediterranean sea port of Tripoli, on July 3, 2012. AFP PHOTO/MAHMUD TURKIA (Photo credit should read MAHMUD TURKIA/AFP/GettyImages)

Wanajeshi wa Libya

Mipaka imefungwa na baadhi ya safari za ndege za kimataifa zimefutwa kwa muda huku kukiwa na hofu ya kuzuka kwa ghasia mpya.

Maadhimisho hayo ya vuguvugu la mapinduzi ambalo lilimalizika kwa kuuwawa kwa Gaddafi hapo Oktoba 2011 yanakuja wakati viongozi wapya wa Libya wanakabiliana na wakosoaji ambao wanatoa wito wa kile kilichoelezwa kuwa ni "mapinduzi mapya", na wanawashutumu viongozi hao kwa kushindwa kuleta mageuzi ambayo yanahitajika sana.

Libyan children wave national flags near the seaport during a rally in Benghazi, Libya, Friday, Feb, 15, 2013. Libyans are preparing to mark the second anniversary of the uprising that ousted Moammar Gadhafi. (AP Photo/Mohammad Hannon)

Sherehe za bila kupangwa zinatarajiwa nchini Libya

Siku ya Ijumaa , maelfu ya watu walikusanyika katika miji mkuu ya Tripoli na Benghazi kusherehekea mwanzo wa maandamano hayo Februari 15, 2011, ambayo yalizusha uasi siku mbili baadaye.

Hakuna sherehe rasmi

Hakuna mpango maalum rasmi ulioandaliwa na serikali kwa ajili ya maadhimisho haya leo Jumapili(17.02.2013), lakini maafisa wamechukua hatua zenye lengo la kuzuwia ghasia zozote katika siku hii ambayo sherehe za bila kupangwa zinatarajiwa.

Mipaka ya Libya na Misri na Tunisia imefungwa kuanzia Alhamis kwa muda wa siku nne, na safari zote za ndege za kimataifa zimefutwa kwa muda, isipokuwa katika uwanja wa ndege wa Tripoli, na mji wa pili kwa ukubwa nchini humo wa Benghazi, ambao ulikuwa ni shina la uasi wa hapo Februari 17.

Waziri mkuu Ali Zeidan amesema kuwa hatua hizo zilichukuliwa ili kuepuka , "juhudi zozote za kuchafua usalama wa Libya na kuharibu sherehe za maadhimisho hayo ya mapinduzi.

Libyan local council member of the city of Tripoli, Ali Zeidan, addresses the Conference of the People's Committees for the Eastern, Western and Central Libya in the Qatari capital Doha on Wednesday May 11, 2011. (Foto:Osama Faisal /AP/dapd)

Waziri mkuu wa Libya Ali Zeidan

Vizuwizi vya barabarani pia vimewekwa katika mji mkuu Tripoli na Benghazi.

Wito wa kukaidi sheria

Makundi ya upinzani yanadai kuwa maafisa wa zamani wa utawala wa Gaddafi wanazuiwa kushika nyadhifa za umma, na vijikaratasi vilivyosambazwa mjini Tripoli vinatoa wito wa " kufanyika uasi wa umma", na umma kutofuata sheria ili kuiangusha serikali ya hivi sasa.

Demonstration in Benghazi gegen bewaffnete Milizen Bild: DW/ Mohamed Karkara Aufnahmedatum: 06 Oktober 2012, Benghazi

Maandamano ya kuupinga utawala wa Gaddafi

Haijafahamika wazi ni nani anahusika na vijikaratasi hivyo na wito huo wa kufanya upinzani, lakini maafisa wa Libya pamoja na mashirika kadha , ikiwa ni pamoja na makundi ya Kiislamu, wanashutumu mabaki ya utawala wa zamani kwa kuchochea ghasia , ili "kupandikiza hali ya kutokuwa na amani na vurugu".

Maafisa wamesema kuwa vibali maalum vitahitajika kwa ajili ya kufanyika "maandamano ya amani", na wametishia kutumia nguvu dhidi ya mtu yeyote atakayejaribu kuchafua maadhimisho hayo.

Benghazi waanzisha vikundi vya kujilinda

Wakaazi wa mji wa benghazi , ambao wameathirika na ghasia zinazohusishwa na makundi ya Waislamu wenye itikadi kali ambao wanaelekeza ghasia zao dhidi ya mashirika ya kimataifa pamoja na balozi mbali mbali , wameweka vikundi vya ulinzi katika maeneo yao.

FILE- In this Sept. 8 2010 file photo, Libya's embattled Moammar Gadhafi fans his face during the Forum of Kings, Princes, Sultans, Sheikhs and Mayors of Africa in Tripoli. Rebel forces are advancing toward Gadhafi's hometown Sirte despite the extension of a deadline for the town's surrender, rebel officials said Friday, as a U.N. official warned that Libya faces critical but short-term shortages of drinking water, food and other supplies. Another rebel commander said the loyalist forces inside Sirte were divided, with one camp lead by Gadhafi's son Muatassim and the other by tribal elders. (Foto:Abdel Magid Al Fergany, file/AP/dapd)

Dikteta Muammar al-Gaddafi

Mji huo ulikumbwa na ghasia tarehe 11 mwezi Septemba mwaka jana kutokana na shambulio dhidi ya ubalozi mdogo wa Marekani ambapo balozi wa Marekani Chris Stevens aliuwawa pamoja na watu wengine watatu raia wa Marekani.

"Suala la usalama ni moja kati ya changamoto kubwa zinazoikabili nchi hiyo, hususan kuenea kwa silaha na maelfu ya wafungwa kukimbia kutoka jela , wakati wa mapinduzi, mchambuzi wa masuala ya kisiasa Suleyman Azqim ameliambia shirika la habari la AFP.

Mwandishi : Sekione Kitojo / afpe

Mhariri: Stumai George

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com